ବୈଭବ ସୂର୍ଯ୍ୟବଂଶୀ ୧୫ ବର୍ଷରେ କମାଲ୍ କରିଛନ୍ତି । ବୈଭବ ଭାରତୀୟ ଟି-୨୦ରେ ଚୟନ ହୋଇଛନ୍ତି । କେବଳ ଭାରତ ନୁହେଁ ପାକିସ୍ତାନରେ ମଧ୍ୟ ତାଙ୍କୁ ନେଇ ଚର୍ଚ୍ଚା ଜୋର ଧରିଛି । ବୈଭବଙ୍କୁ ନେଇ ପାକିସ୍ତାନରେ ଗୁଗଲରେ ଗତ ୩ ମାସରେ ବିଭିନ୍ନ ପ୍ରକାରର ସର୍ଚ୍ଚ କରାଯାଉଛି ।
ବୈଭବଙ୍କ ଧମାକେଦାର ବ୍ୟାଟିଂ ଯୋଗୁଁ ପାକିସ୍ତାନୀ ଲୋକ ଗୁଗଲରେ ବିଭିନ୍ନ ପ୍ରକାରର ନେଇ ସର୍ଚ୍ଚ କରୁଛନ୍ତି । ଗତ ୩ ମସ ହେଲାଣି ଗୁଗଲ ଡାଟାରେ ପାକିସ୍ତାନରେ ସବୁଠାରୁ ଅଧିକ ସର୍ଚ୍ଚ କରାଯାଉଥିବା କ୍ରିକେଟ ବିଷୟରେ ବୈଭବ ସୂର୍ଯ୍ୟବଂଶୀଙ୍କ ନାମ ଲଗାତାର ନଜର ଆସୁଛି ।
ଗୁଗଲ ଟ୍ରେଣ୍ଡସ ମୁତାବକ, ପାକିସ୍ତାନରେ ବୈଭବ ସୂର୍ଯ୍ୟବଂଶୀ, ବୟସ, ବୈଭବଙ୍କ ଷ୍ଟାଟସ, ବୈଭବଙ୍କ ଆଜିର ମ୍ୟାଚ୍, ବୈଭବଙ୍କ ଆଇପିଏଲ ୨୦୨୬ ପ୍ରାଇସ, ବୈଭବଙ୍କ ଉଚ୍ଚତାକୁ ନେଇ ସର୍ଚ୍ଚ କରାଯାଉଛି ।
୧୫ ବର୍ଷୀୟ ବୈଭବଙ୍କ ବ୍ୟାଟିଂ କ୍ରିକେଟ ପ୍ରେମୀଙ୍କ ଧ୍ୟାନ ତାଙ୍କ ଆଡ଼କୁ ଆକର୍ଷିତ କରୁଛି । ନିକଟରେ ବିସ୍ଫୋରକ ଇନିଂସ ଖେଳି ସବୁଠାରୁ ଦ୍ରୁତତମ ଅର୍ଦ୍ଧଶତକ କରି ନୂଆ ରେକର୍ଡ କରିଛନ୍ତି । ବୈଭବ ଆଇପିଏଲ ୨୦୨୬ରେ ରାଜସ୍ଥାନ ରୟାଲ୍ସ ପାଇଁ ବଢିଆ ପ୍ରଦର୍ଶନ କରିଥିଲେ । ଟ୍ରାଇ ସିରିଜରେ ମଧ୍ୟ ଶେଷ ମ୍ୟାଚରେ ବେଶ୍ କମାଲ କରିଥିଲେ ବୈଭବ ସୂର୍ଯ୍ୟବଂଶୀ । ବୈଭବ ୨୯ ବଲରେ ୯୪ ରନ କରିଥିଲେ । ୧୧ ବଲରେ ଅର୍ଦ୍ଧଶତକ ପୂରଣ କରିଥିଲେ ବୈଭବ ।
