ସଂଚାର ବ୍ୟୁରୋ: ଆଜିଠୁ ଦେଶରେ ଅନେକ ଗୁରୁତ୍ବପୂର୍ଣ୍ଣ ନିୟମରେ ପରିବର୍ତ୍ତନ ହେବାକୁ ଯାଉଛି । ଏଥିରେ ଗୁଗଲ ଠାରୁ ଆରମ୍ଭ କରି ଆଧାର, ୟୁପିଆଇ ଏବଂ ମୋବାଇଲ ସେବା ସମ୍ପର୍କୀତ କାର୍ଯ୍ୟ କ୍ଷେତ୍ରରେ କେତେକ ନିୟମ ବଦଳିବ । ତେବେ ପରିବର୍ତ୍ତନର ଉଦ୍ଦେଶ୍ୟ ହେଉଛି ବ୍ୟବହାରକାରୀଙ୍କ ଡିଜିଟାଲ ଏବଂ ଆର୍ଥୀକ କାରବାରକୁ ଅଧିକ ସୁରକ୍ଷିତ ଏବଂ ସହଜ କରିବା । ଏହାଛଡା ଏହି ନୂଆ ନିୟମ ଗ୍ରାହକଙ୍କ ଗୋପନୀୟତା, ସୁରକ୍ଷା ଏବଂ ଆର୍ଥୀକ କାରବାର ଉପରେ ପ୍ରଭାବ ପକାଇବ । ଆଜିଠୁ ଗୁଗଲ ଏହାର ପ୍ଲେ ଷ୍ଟୋର ନୀତିରେ ପରିବର୍ତ୍ତନ ଆଣିବ । ଏହା ଅଧିନରେ ଗୁଗଲ ପ୍ଲେଷ୍ଟାରରୁ ଅନେକ ନିମ୍ନମାନର ଆପ ହଟାଇ ଦିଆଯିବ । ଗୁଗଲ କହିଛି ଯେ, ଏହି ଆପ ଗୁଡିକ ମାଲଓ୍ବେରର ଏକ ଉତ୍ସ ହୋଇପାରେ ଏବଂ ବ୍ୟବହାରକାରୀଙ୍କ ସୁରକ୍ଷା ପ୍ରତି ବିପଦ ଆଣିପାରେ । ଆଣ୍ଡ୍ରଓ୍ବେଡ ସ୍ମାର୍ଟଫୋନ ବ୍ୟବହାରକାରୀଙ୍କ ସୁରକ୍ଷା ଏବଂ ଗୋପନୀୟତାକୁ ଉନ୍ନତ କରିବାକୁ ଏହି ପଦକ୍ଷେପ ନିଆଯାଉଛି । ଅନ୍ୟପଟେ ନ୍ୟାସନାଲ ପେମେଣ୍ଟ କର୍ପୋରେସନ ଅଫ ଇଣ୍ଡିଆର ନିୟମ ଅନୁଯାୟୀ ଆଜିଠୁ ରୁପେ କ୍ରେଡିଟ କାର୍ଡ ଓ ୟୁପିଆଇ କାରବାର ଶୁଳ୍କ ରିଓ୍ବାଡ ପଏଣ୍ଟରୁ କଟାଯିବ ନାହିଁ । ଏହି ନିୟମ କାର୍ଯ୍ୟକାରୀ କରିବାକୁ ସମସ୍ତ ବ୍ୟାଙ୍କକୁ ସୂଚନା ଦିଆଯାଇଛି।
