ଚାରିଆଡେ ଥିଲା ପର୍ଯ୍ୟଟକଙ୍କ ଗହଳି। ସମୟ କାଟିବାକୁ ଚୀନର ଏହି ସ୍ଥାନରେ ଲୋକଙ୍କ ଗହଳି ଲାଗିଥିଲା। ସମସ୍ତେ ମନଭରି ପ୍ରାକୃତିକ ସୌନ୍ଦର୍ଯ୍ୟକୁ ଉପଭୋଗ କରୁଥିଲେ। କିନ୍ତୁ ହଠାତ ଏମିତି ଏକ ଘଟଣା ଘଟିଲା ଯାହା ଆପଣଙ୍କ ଛାତିକୁ ଥରାଇଦେବ। ହସ ଖୁସିରେ ଫାଟିପଡ଼ୁଥିବା ସ୍ଥାନରୁ ସଙ୍ଗେ ସଙ୍ଗେ ଶୁଭିଲା କାନ୍ଦବୋବାଳିର ଶବ୍ଦ। କେହି କିଛି ବୁଝିବା ସୁଝିବା ପୂର୍ବରୁ ଲୋକମାନେ ନଦୀରେ ଭାସି ଯାଇଥିଲେ। ଉତ୍ତର-ପଶ୍ଚିମ ଚୀନର ସିନଜିଆଙ୍ଗର ଇଲି କଜାକ ପ୍ରଦେଶର ଝାଓସୁ କାଉଣ୍ଟି ନିକଟରେ ଏକ ଝୁଲା ପୋଲ ଭୁଶୁଡ଼ି ପଡ଼ିବାରୁ ଘଟଣାସ୍ଥଳରେ ୫ଜଣ ପର୍ଯ୍ୟଟକଙ୍କର ମୃତ୍ୟୁ ହୋଇଥିବା ବେଳେ ୨୪ଜଣ ଆହତ ହୋଇଛନ୍ତି।
