ସଂଚାର ବ୍ୟୁରୋ: ଦିଗପହଣ୍ଡି ପାଟପୁର ଥାନା ବୃନ୍ଦାବନପୁର ଗାଁ ନିକଟ ଜଙ୍ଗଲରୁ କଙ୍କାଳ ଉଦ୍ଧାର। ମଣିଷ କଙ୍କାଳ ଓ ଖପୁରୀ ସହ ସାଇକେଲ ଦେଖିବାକୁ ମିଳିଛି। ଜଙ୍ଗଲକୁ ଗାଁର କିଛି ଲୋକ ଯାଇଥିବା ବେଳେ ଖପୁରୀ ଓ କଙ୍କାଳ ପଡ଼ିଥିବା ଦେଖି ପାଟପୁର ପୋଲିସକୁ ଖବର ଦେଇଥିଲେ। ପାଟପୁର ଥାନା ଅଧିକାରୀ ପୋଲିସ ଟିମ ସହ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି। ପାଖରେ ପଡିଥିବା ସାଇକେଲଟି ଲେଡିଜ୍ ସାଇକେଲ ହୋଇଥିବାରୁ ଏହି କଙ୍କାଳଟି ଯୁବତୀଙ୍କର ହୋଇଥିବା ସନ୍ଦେହ କରାଯାଉଛି। ଗଞ୍ଜାମ ପାଟପୁର ଥାନା ଅଞ୍ଚଳରେ ନିଖୋଜ ହୋଇଥିବା ଏତଲା ତାଲିକା ସହ ସ୍ଥାନୀୟ ଅଞ୍ଚଳରୁ ନିଖୋଜ ଥିବା ଲୋକଙ୍କ ବିଷୟରେ ପଚରାଉଚରା କରୁଛି ପାଟପୁର ପୋଲିସ ।
