ବଲିଉଡର ଦିବଂଗତ ଅଭିନେତା ଦେବ ଆନନ୍ଦଙ୍କ ପୁଅ ସୁନୀଲ ଆନନ୍ଦଙ୍କ ନିଧନ ହୋଇଛି । ୭୦ ବର୍ଷ ବୟସରେ ଲଣ୍ଡନରେ ଶେଷ ନିଶ୍ବାସ ତ୍ୟାଗ କରିଛନ୍ତି ସୁନୀଲ ଆନନ୍ଦ । ସୁନୀଲଙ୍କ ଭଉଣୀ ଦେବିନା ଆନନ୍ଦଙ୍କ ଝିଅ ଗିନି ନାରଙ୍ଗ ଏକ ବୟାନ ଜାରି କରି ମାମୁଁ ସୁନୀଲଙ୍କ ପରଲୋକ ବିଷୟରେ ସୂଚନା ଦେଇଛନ୍ତି ।
ସୁନୀଲଙ୍କ ଭାଣେଜୀ ଗିନି ନାରଙ୍ଗ ମାମୁଁଙ୍କ ପରଲୋକ ନେଇ ଏକ ବୟାନ ଜାରି କହିଛନ୍ତି, ଗଭୀର ଦୁଃଖ ସହିତ ନିଜ ପରିବାର ତରଫରୁ ସୁନୀଲ ଆନନ୍ଦଙ୍କ ନିଧନ ଖବର ସେୟାର କରୁଛି । ଲୋକଙ୍କ ଭଲପାଇବା, ଆଶୀର୍ବାଦ ଏବଂ ସହଯୋଗରୁ ଆମକୁ ବହୁତ ସ୍ବାନ୍ତନା ମିଳିବ । ଏଥିପାଇଁ ଆମେ ହ୍ଦୟରୁ କ୍ତଜ୍ଞତା ଜଣାଉଛୁ । ଆମେ ଅନୁରୋଧ କରୁ କି, ଏଭଳି ମୁହୂର୍ତ୍ତରେ ଆମକୁ କିଛ ସ୍ପେସ୍ ମିଳୁ ।
ସୁନୀଲ ଆନନ୍ଦଙ୍କ ପରଲୋକ ହାର୍ଟ ଆଟାକ ଯୋଗୁଁ ହୋଇଛି । ତାଙ୍କୁ ହାର୍ଟ ଆଟାକ ଆସିବା ଯୋଗୁଁ ଲଣ୍ଡନର ଏକ ହସପିଟାଲରେ ଭର୍ତ୍ତି କରାଯାଥିଲା । ଏଠାରେ ଆଜି (ଜୁଲାଇ ୨୮) ତାରିଖରେ ତାଙ୍କ ନିଧନ ହୋଇଛି । ୨୦୧୧ରେ ଦେବ ଆନନ୍ଦ ଲଣ୍ଡନର ଏକ ହସପିଟାଲରେ ଶେଷ ନିଶ୍ବାସ ନେଇଥିଲେ । ଆଉ ସେହି ହସପିଟାଲର ତାଙ୍କ ପୁଅ ଶେଷ ନିଶ୍ବାସ ତ୍ୟାଗ କରିଛନ୍ତି ।
ସୁନୀଲ ଆନନ୍ଦ ବଲିଉଡ ଫିଲ୍ମରେ କାମ କରିଛନ୍ତି । ଦେବ ଆନନ୍ଦ ୧୯୮୪ରେ ଏକ ଫିଲ୍ମର ନିର୍ଦ୍ଦେଶନା ଦେଇଥିଲେ, ଯାହାର ନାମ ଆନନ୍ଦ ଔର ଆନନ୍ଦ ଥିଲା । ଏଥରେ ସୁନୀଲ ସପୋର୍ଟିଂ ଅଭିନେତା ଭାବେ ନଜର ଆସିଥିଲେ । ଏହି ଫିଲ୍ମ ବେଶ୍ କିଛି ସଫଳତା ଆଣିପାରିନଥିଲା । ଏହାପରେ ସୁନୀଲ କାର୍ ଥିଫ ଫିଲ୍ମରେ ଲିଡ୍ ରୋଲରେ ନଜର ଆସିଥିଲେ । ଏଥିରେ ବିଜେତା ପଣ୍ଡିତ ସହିତ ନଜର ଆସିଥିଲେ ।
