ଇଣ୍ଟରନ୍ୟାସନାଲ କ୍ରିକେଟରୁ ସନ୍ନ୍ୟାସ ନେଇଛନ୍ତି ଟିମ୍ ଇଣ୍ଡିଆର ଖେଳାଳି ଅଜିଙ୍କ୍ୟ ରାହାଣେ । କ୍ରିକେଟକୁ ବାଏ ବାଏ କହିଥିବା ଅଜିଙ୍କ୍ୟ ଏକ ଭିଡିଓ ସେୟାର କରି ଏହାର ସୂଚନା ଦେଇଛନ୍ତି । ସେ କ୍ରିକେଟର ସମସ୍ତ ଫର୍ମାଟକୁ ବାଏବାଏ କରିଛନ୍ତି । ଏହାସହ ନିଜର ଅବସର ଘୋଷଣା କରିଛନ୍ତି । ବିଗତ କିଛି ବର୍ଷ ହେଲାଣି କୌଣସି ଇଣ୍ଟରନ୍ୟାସନାଲ ମ୍ୟାଚ୍ ଖେଳିନାହାନ୍ତି । ଦୀର୍ଘଦିନରୁ ଟିମରୁ ବାଦ୍ ପଡ଼ିବା ପରେ ହଠାତ୍ ଅବସର ଘୋଷଣା କରିଛନ୍ତି ।
ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରି ରାହାଣେ ଅବସର ଘୋଷଣା କରିଛନ୍ତି । ଶ୍ରୀଲଙ୍କା ବିପକ୍ଷ ଟେଷ୍ଟ ପାଇଁ ଟିମ୍ ଇଣ୍ଡିଆ ଘୋଷଣା ହେବା ପରେ ଅଜିଙ୍କ୍ୟ ଏଭଳି ନିଷ୍ପତ୍ତି ନେଇଛନ୍ତି । ଆଇପିଏଲରେ ଗତ ସିଜିନରେ ସେ କେକେଆର ଦଳର ଅଧିନାୟକ ରହିଥିଲେ । କିନ୍ତୁ ଏବେ ସେ ଆଇପିଏଲ ମଧ୍ୟ ଖେଳିବେ ନାହିଁ । ସେ ସମସ୍ତ ଫର୍ମାଟରୁ ଅବସର ନେଇଥିବା ଭିଡିଓ ପୋଷ୍ଟ୍ କରି କହିଛନ୍ତି ।
ଭିଡିଓରେ ୩୮ ବର୍ଷୀୟ ଅଜିଙ୍କ୍ୟ କହିଛନ୍ତି ଯେ, କ୍ୟାପ୍ ନମ୍ବର ୨୭୮ । ଏବେ ଏଠାରେ ବିରାମ । ବର୍ଷବର୍ଷ ଧରି ତାଙ୍କୁ ଭଲ ପାଇବା ମିଳିଛି । ସମସ୍ତଙ୍କୁ ଧନ୍ୟବାଦ । କ୍ରିକେଟ ସହ ଜଡିତ ସମସ୍ତ ବ୍ୟକ୍ତି ତଥା ଫ୍ୟାନ୍ସଙ୍କୁ ଧନ୍ୟବାଦ । ଭିଡିଓ ପୋଷ୍ଟରେ ଭାବୁକ ନଜର ଆସିଛନ୍ତି ।
ଭାରତୀୟ ଦଳରେ ଅଜିଙ୍କ୍ୟ ରାହାଣେ ୨୦୧୩ରେ ଡେବ୍ୟୁ କରିବା ପରେ ୨୦୨୪ ଯାଏଁ ଟେଷ୍ଟ ମ୍ୟାଚ୍ ଖେଳିଛନ୍ତି । ସେ ୮୫ ମ୍ୟାଚ୍ ଖେଳି ୫୦୭୭ ରନ୍ କରିଛନ୍ତି । ଏଥିରେ ୧୨ ଶତକ ଏବଂ ୨୬ ଅର୍ଦ୍ଧଶତକ ରହିଛି । ଦିନିକିଆରେ ୯୦ଟିମ ୟାଚ ଖେଳି ୨୯୬୨ ରନ୍ କରିଛନ୍ତି । ଦିନିକିଆରେ ୩ଟି ଶତକ ଏବଂ ୨୪ ଅର୍ଦ୍ଧଶତକ ରହିଛି । ଟେଷ୍ଟ୍ କ୍ରିକେଟରେ ୬ଟି ମ୍ୟାଚରେ ଭାରତର ନେତୃତ୍ୱ ନେଇଛନ୍ତି । ଏହି ସବୁ ମ୍ୟାଚରୁ ଭାରତ ୪ଟିରେ ବିଜୟୀ ହୋଇଛି । ଦୁଇଟି ମ୍ୟାଚ୍ ଡ୍ର ରହିଛି । ଦିନିକିଆରେ ସେ ତିନୋଟି ମ୍ୟାଚରେ ନେତୃତ୍ୱ ନେଉଥିବା ବେଳେ ସବୁଥିରେ ଦଳ ଜିତିଛି । ଟି୨୦ରେ ମାତ୍ର ୨୦ଟି ମ୍ୟାଚ ଖେଳିଛନ୍ତି । ମୋଟ୍ ସେ ୮୪୧୪ ରନ୍ କରିଥିବା ବେଳେ ଆଭରେଜ୍ ହେଉଛି ୩୫.୯୫ ।
