ସଂଚାର ବ୍ୟୁରୋ: ବଲାଙ୍ଗୀର ଉପଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ରିକ୍ସା ଚାଳକଙ୍କ ମୃତ୍ୟୁ।ଦୋକାନ ଗୃହ ଆଗରେ ରାତିରେ ଶୋଇଥିବା ବେଳେ ମୃତ୍ୟୁ ଘଟିଛି l ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ମୃତକଙ୍କ ନାଁ ଗର୍ଜନ ବାଗ ବୋଲି ଜଣାପଡିଛି l ଘର ନ ଥିବାରୁ ପ୍ରାୟ ୩ବର୍ଷ ହେବ ଦୋକାନ ଗୃହ ଆଗରେ ରହୁଥିଲେ l
ଦିନରେ ରିକ୍ସା ଚଳାଉଥିଲେ। ରାତିରେ ଏହିଠାରେ ଶୋଉଥିଲେ। ତାଙ୍କ ମୃତ୍ୟୁ ହୋଇଥିବା ଜଣାପଡିବା ପରେ ଘଟଣା ସ୍ଥଳରେ ଟାଉନ୍ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି I ମୃତଦେହ ବ୍ୟବଚ୍ଛେଦ ପାଇଁ ବଲାଙ୍ଗୀର ମେଡିକାଲକୁ ପଠାଯାଇଛି I ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣାପଡିବ ବୋଲି ଟାଉନ୍ ଥାନା ପୋଲିସ ସୂଚନା ଦେଇଛି I ଅନ୍ୟପଟେ ବିଷାକ୍ତ ମଦ ପିଇ ମୃତ୍ୟୁ ଘଟିଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି।
