ସଂଚାର ବ୍ୟୁରୋ: ବିହାର ମୁଖ୍ୟମନ୍ତ୍ରୀଙ୍କ ପ୍ରତି ରହିଛି ବିପଦ। ଆସିଛି ଧମକ । ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପରି ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ କାର୍ଯ୍ୟାଳୟକୁ ମଧ୍ୟ ବୋମାରେ ଉଡ଼ାଇ ଦେବାକୁ ଧମକ ଦିଆଯାଇଛି। ଖବର ଅନୁଯାୟୀ, ଅଲ୍ କାଏଦା ନାମକ ଜଣେ ୟୁଜରଙ୍କ ଆଇଡିରୁ ଏକ ଇମେଲ ପଠାଇ ଏହି ଧମକ ଦିଆଯାଇଛି। ବିହାର ପୋଲିସ ଏ ବାବଦରେ ଏଫ୍ଆଇଆର୍ ପଞ୍ଜିକରଣ କରି ତଦନ୍ତ ଆରମ୍ଭ କରିଛି।
ଏଟିଏସ୍ ଏହି ଘଟଣାର ଅନୁସନ୍ଧାନ କରୁଛି। ଅଗଷ୍ଟ ୨ ରେ ଏଫ୍ଆଇଆର୍ ପଞ୍ଜିକୃତ ହୋଇଛି। ସଚିବାଳୟ ପୁଲିସ୍ ଷ୍ଟେସନରେ ଏଫ୍ଆଇଆର୍ ପଞ୍ଜିକୃତ ହୋଇଛି। ପୋଲିସ ଘଟଣାର ତଦନ୍ତ ଆରମ୍ଭ କରିଛି।
ସଚିବାଳୟ ପୁଲିସ୍ ଷ୍ଟେସନର ଏସ୍ଏଚ୍ଓ ସଞ୍ଜୀବ କୁମାରଙ୍କ ଅଭିଯୋଗ ଅଧାରରେ ଏକ ମାମଲା ରୁଜୁ ହୋଇଛି। ପୁଲିସ୍ର ସୂଚନାନୁସାରେ, ଜୁଲାଇ ୧୬ରେ ସିଏମ୍ଓର ଅଫିସିଆଲ ମେଲ ଆଇଡିରେ ଏକ ମେଲ ଆସିଥିଲା ଯେ ସିଏମ୍ଓ ଉପରେ ବୋମା ପକାଯିବ। ବିହାରର ସ୍ୱତନ୍ତ୍ର ପୁଲିସ୍ ମଧ୍ୟ ସେମାନଙ୍କ ପାଇଁ କିଛି କରିପାରିବ ନାହିଁ। ଏହାକୁ ନଜର ଆନ୍ଦାଜ ନ କରିବାକୁ ଇମେଲରେ କୁହାଯାଇଥିଲା। ଏଥିସହିତ ଏହି ଧମକ ପାଇବା ପରେ ପୋଲିସ ସମ୍ପୃକ୍ତ ମେଲ ବିଷୟରେ ଜାଣିବା ଆରମ୍ଭ କରିଥିଲା।
ସୂଚନା ଅନୁଯାୟୀ, ଦୁଷ୍କର୍ମକାରୀମାନେ ID achw700@gmail.com ରୁ ମେଲ ପଠାଇଥିଲେ। ସମ୍ପୃକ୍ତ ମେଲ ଆଇଡିର ସବିଶେଷ ତଥ୍ୟ ପୋଲିସ ତଦନ୍ତ କରୁଛି। ଅଜ୍ଞାତ ବ୍ୟକ୍ତିଙ୍କ ବିରୋଧରେ ବିଏନ୍ଏସ୍ BNS ୨୦୨୩ର ଧାରା ୩୫୧ (୪), (୩) ଏବଂ ଆଇଟି ଆକ୍ଟର ୬୬(ଏଫ) ଅନୁଯାୟୀ ଏକ ମାମଲା ରୁଜୁ ହୋଇଛି। ଏହି ଧମକ ପରେ ପୋଲିସ ବିଭାଗରେ ଉତ୍ତେଜନା ପ୍ରକାଶ ପାଇଥିଲା। ପୋଲିସ ମାମଲାର ପ୍ରତ୍ୟେକ ବିନ୍ଦୁ ଅନୁସନ୍ଧାନ କରୁଛି। ତେବେ ଏତେ ବଡ ଅଘଟଣ ପାଇଁ କିଏ ଦାୟୀ ତାହା ଏବେ କହିବା ମୁସ୍କିଲ । ପୋଲିସ ଘଟଣାର ତଦନ୍ତ ଜାରି ରଖିଛି ।
