ସଂଚାର ବ୍ୟୁରୋ: କାନ୍ଥ ପଡି ଜଣେ ମୃତ, ଦୁଇ ଗୁରୁତର । ସୁବର୍ଣ୍ଣପୁର ଜିଲ୍ଲା ଲଛିପୁର ଥାନା ସହରାପାଲି ଗାଁରେ ରାତିରେ ଘଟିଛି ଅଘଟଣ I ଘରର କାନ୍ଥ ପଡି ଆଇମା ସୁରୁବାଲି ଦୀପଙ୍କ ମୃତ୍ୟୁ ଘଟିଥିବା ବେଳେ ବୋହୂ ବବି ଦୀପ ଓ ଦୁଇ ବର୍ଷର ଶିଶୁକନ୍ୟା ଦେବୀ ଦୀପ ଗୁରୁତର ହୋଇଛନ୍ତି I ପରିବାର ଲୋକେ ଗୁରୁତରଙ୍କୁ ଉଦ୍ଧାର କରି ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି କରିଛନ୍ତି I ଶିଶୁ କନ୍ୟାର ଅବସ୍ଥା ଗୁରୁତର ଥିବା ଜଣାପଡ଼ିଛି I ମୃତଦେହକୁ ବଲାଙ୍ଗୀର ଭୀମଭୋଇ ମେଡିକାଳ କଲେଜ ଡାକ୍ତର ଖାନାରେ ଭର୍ତି କରାଯାଇଛି l ରାତିରେ ଆଇ ସହ ବୋହୂ ଓ ନାତୁଣୀ ଶୋଇଥିବା ବେଳେ ଘଟିଥିଲା ଅଘଟଣ I ବର୍ଷାରେ କାନ୍ଥ ଓଦା ହୋଇ ବିପଦସଙ୍କୁଳ ଅବସ୍ଥାରେ ରହିଥିଲା । ବିଳମ୍ବିତ ରାତିରେ କାନ୍ଥ ପଡିଯାଇଥିଲା I କାନ୍ଦ ବୋବାଳି ଶୁଣି ପଡ଼ିଶା ଲୋକେ ଆସି ଉଦ୍ଧାର କରିଥିଲେ I ଘଟଣା ସ୍ଥଳରେ ଲଛିପୁର ପୋଲିସ ପହଂଚି ତଦନ୍ତ ଆରମ୍ଭ କରିଛି I
