ଟି – ଟ୍ବେଣ୍ଟି ବିଶ୍ବକପରେ ଆଜି ଫାଇନାଲ ଫାଇଟ୍ । ସୁପର ସଣ୍ଡେରେ ହେବ ସୁପର ମୁକାବିଲା । ମେନ୍ ଇନ୍ ବ୍ଲୁ ବନାମ କିୱି । ଟାଇଟଲ ପାଇଁ ଲଢ଼ିବେ ଭାରତ – ନ୍ୟୁଜିଲ୍ୟାଣ୍ଡ । ଆଜି ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ହେବ ହାଇଭୋଲଟେଜ ମ୍ୟାଚ । ଟି-ଟ୍ବେଣ୍ଟି ବିଶ୍ବକପ୍ ଦଶମ ସଂସ୍କରଣରେ ଆଜି ଟାଇଟଲ ଲଢ଼େଇରେ ସାମ୍ନାସାମ୍ନି ହେବେ ଦୁଇ ଦଳ। ବିଶ୍ବର ଏକ ନମ୍ବର ତଥା ଡିଫେଣ୍ଡିଂ ଚାମ୍ପିଅନ୍ ଭାରତ ଏବଂ ୪ ନମ୍ବର ଦଳ ନ୍ୟୁଜିଲ୍ୟାଣ୍ଡ ମୁହାଁମୁହିଁ ହେବେ । ଭାରତ ଟାଇଟଲ ବଜାୟ ରଖିବ ନା ନ୍ୟୁଜିଲାଣ୍ଡ ବିଶ୍ବବିଜେତା ହେବ। କ୍ରିକେଟ୍ ପ୍ରେମୀଙ୍କ ଉତ୍କଣ୍ଠା ବଢ଼ି ଚାଲିଛି ।
ନ୍ୟୁଜିଲାଣ୍ଡ ସପକ୍ଷରେ ରହିଛି ରେକର୍ଡ । ରେକର୍ଡ କହୁଛି ନ୍ୟୁଜିଲାଣ୍ଡ ବିପକ୍ଷ ଟି ଟ୍ବେଣ୍ଟିରେ ଭାରତର ପଲା ଭାରୀ । ଏଯାଏଁ ଉଭୟ ଦଳ ୩୦ ଥର ମୁହାଁମୁହିଁ ହୋଇଛନ୍ତି । ଭାରତ ୧୮ଟିରେ ବିଜୟୀ ହୋଇଥିବା ବେଳେ ୧୧ଟି ମ୍ୟାଚ ଜିତିଛି ନ୍ୟୁଜିଲାଣ୍ଡ । ତେବେ T-20 ବିଶ୍ବକପରେ ରେକର୍ଡ କିନ୍ତୁ ଭାରତ ବିପକ୍ଷରେ ରହିଛି । କାରଣ ବିଶ୍ବକପରେ ନ୍ୟୁଜିଲାଣ୍ଡକୁ କେବେବି ହରାଇନି ଟିମ ଇଣ୍ଡିଆ। ୩ଥର ନ୍ୟୁଜିଲାଣ୍ଡକୁ ଭେଟିଥିଲେ ମଧ୍ୟ ସବୁଥର ପରାଜିତ ହୋଇଛି । ଅନ୍ୟପଟେ ଟୁର୍ଣ୍ଣାମେଣ୍ଟରେ ଭାରତର ପ୍ରଦର୍ଶନ ଭଲ ରହିଛି । ସେମିଫାଇନାଲରେ ଇଂଲଣ୍ଡକୁ ପରାସ୍ତ କରି ଦଳ ପୂରା ଫର୍ମରେ ଅଛି ।
