ସଂଚାର ବ୍ୟୁରୋ: ଶ୍ରୀମନ୍ଦିରରେ ଚାଲିଥିବା ମହାପ୍ରଭୁଙ୍କ ଶ୍ରୀକୃଷ୍ଣ ଲୀଳା ଅବସରରେ ଆଜି ନିକୁଞ୍ଜ ଲୀଳା ପାଳିତ ହେବ । ସନ୍ଧ୍ୟାଧୂପ ସରିଲା ପରେ ଶ୍ରୀରାମକୃଷ୍ଣ ଆଜ୍ଞାମାଳ ପାଇ ଜଗମୋହନ ଖଟ ଉପରେ ବିଜେ ହେବେ ସେଠାରେ ଭୋଗ ଓ ବନ୍ଦାପନା କରାଯିବ । ଏହି ନୀତିରେ ହରଚଣ୍ଡୀ ସାହିର ବାସିନ୍ଦାମାନେ ଠାକୁରଙ୍କ ସାମିଲ କରାଇଥାନ୍ତି । ଏନେଇ ଏକ କଥାବସ୍ତୁ ରହିଥିବା କୁହାଯାଏ । କିଶୋର ଅବସ୍ଥାରେ ଗୋପଲୀଳା କରୁଥିବେ ଶ୍ରୀକୃଷ୍ଣ । ଗୋପୀଙ୍କ ଭିତରେ ଜଣେ ରାକ୍ଷସୀ ଥିବେ । କଂସର ଏସବୁ ମାୟା । ଶ୍ରୀକୃଷ୍ଣଙ୍କୁ ମୋହିତ କରି ହରଣ କରିବା ଥିଲା ଉଦ୍ଦେଶ୍ୟ । ହେଲେ ଶ୍ରୀକୃଷ୍ଣ ଏହା ଜାଣି ପାରି ଗୋପୀରୂପୀ ରାକ୍ଷସୀଙ୍କୁ ବଶୀଭୂତ କରି ବିଦା କରିଦେଇଥିଲେ ।
