ସଂଚାର ବ୍ୟୁରୋ: ଭାରତୀୟ କ୍ରିକେଟ ଦଳର ପୂର୍ବତନ ଓ୍ବିକେଟ କିପର ବ୍ୟାଟ୍ସମ୍ୟାନ ଦିନେଶ କାର୍ତ୍ତିକ ଆଗାମୀ ଦିନରେ ଖେଳିବେ ଲିଜେଣ୍ଡ୍ସ ଲିଗ୍ କ୍ରିକେଟ୍ । ଏନେଇ ସେ ସ୍ପଷ୍ଠ କରିଛନ୍ତି । ଗତ ଆଇପିଏଲ୍ ଶେଷ ହେବା ପରେ ସେ କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କରିଥିଲେ । କ୍ରିକେଟପ୍ରେମୀ ଆଶା ରଖିଥିଲେ କି, ଡିକେ ଆଉ କିଛି ବର୍ଷ ଆଇପିଏଲ ଖେଳିବେ ମାତ୍ର ସେ ସମସ୍ତଙ୍କ ଆଶ୍ଚର୍ଯ୍ୟ କରି ଅବସର ଘୋଷଣହା କରିଥିଲେ । ଆଉ ଏବେ କାର୍ତ୍ତିକ କହିଛନ୍ତି, ଅବସର ପରେ ମୁଁ ଏଲ୍ଏଲ୍ସି ଖେଳିବା ନେଇ ମନସ୍ଥ କରିସାରିଥିଲି । ଏବେ ଶାରୀରିକ ଓ ମାନସିକ ଭାବେ ଟୁର୍ଣ୍ଣାମେଣ୍ଟ ଖେଳିବା ପାଇଁ ପ୍ରସ୍ତୁତ ରହିଛି ବୋଲି କହିଛନ୍ତି । ମୁଁ ପୁଣିଥରେ ଖେଳ ପଡ଼ିଆରେ ରହି ସମସ୍ତଙ୍କୁ ମନୋରଞ୍ଜନ କରାଇବାକୁ ଚେଷ୍ଟା କରିବି ।’
କାର୍ତ୍ତିକ ଭାରତ ପକ୍ଷରୁ ୧୮୦ଟି ମ୍ୟାଚ୍ (୩ଟି ଯାକ ଫର୍ମାଟ) ଖେଳି ୩,୪୬୩ ରନ୍ ସଂଗ୍ରହ କରିଥିଲେ । ଟେଷ୍ଟରେ ସେ ଗୋଟିଏ ଶତକ ଏବଂ ୭ଟି ଅର୍ଦ୍ଧଶତକ ଅର୍ଜନ କରିଥିଲେ । ୱିକେଟ୍ କିପର ଭାବେ ୧୭୨ଟି ସଫଳତା ହାସଲ କରିଥିଲେ । ଆଇପିଏଲ୍ରେ ସେ ୧୭ଟି ସିଜନରେ ୨୬୭ଟି ମ୍ୟାଚ୍ ଖେଳି ୪,୮୪୨ରନ୍ (୨୨ଅର୍ଦ୍ଧଶତକ) ସଂଗ୍ରହ କରିଥିଲେ । ଆସନ୍ତା ୨୯ ତାରିଖ ଏଲ୍ଏଲ୍ସିର ପରବର୍ତ୍ତୀ ସଂସ୍କରଣ ପାଇଁ ନିଲାମ ଅନୁଷ୍ଠିତ ହେବ ଏବଂ ସେପ୍ଟେମ୍ବରରେ ଟୁର୍ଣ୍ଣାମେଣ୍ଟ ଆୟୋଜିତ ହେବ। ନିକଟରେ ଅବସର ଘୋଷଣା କରିଥିବା ଶିଖର ଧାୱନ ମଧ୍ୟରେ ଏଲ୍ଏଲ୍ସି ଖେଳିବେ।
