ବଜାର ଉପରେ ଭୂରାଜନୈତିକ ଅସ୍ଥିରତାର ପ୍ରଭାବ । ଖସିଲା ସେନସେକ୍ସ ଓ ନିଫ୍ଟି । ସପ୍ତାହର ପ୍ରଥମ ଦିନର କାରବାର ଆରମ୍ଭରୁ ୪୫୧ ପଏଣ୍ଟ ଖସିଲା ସେନସେକ୍ସ ଏବଂ ୧୭୦ପଏଣ୍ଟ ହ୍ରାସ ପାଇଲା ନିଫ୍ଟି । ଇରାନ ଉପରେ ଆମେରିକାର ଏୟାର ଷ୍ଟ୍ରାଇକ୍, ସେୟାର ବଜାରକୁ ହିଟ୍ କରିଛି ।
କାରବାର ଆରମ୍ଭରୁ ବିଏସଇ ସେନସେକ୍ସ ପ୍ରାୟ ୮୫୦ ପଏଣ୍ଟ ଓ ନିଫ୍ଟି ପ୍ରାୟ ୨୫୦ ପଏଣ୍ଟ ଖସିଥିଲା । ପରେ ବଜାରରେ ସାମାନ୍ୟ ସୁଧାର ଆସିଥିଲା । ତଥାପି ବିଏସଇ ସମ୍ବେଦନଶୀଳ ସୂଚକାଙ୍କ ୭ଶହ ଖସି ୮୧ ହଜାର ୭୩୮ ପଏଣ୍ଟରେ ରହିଛି । ନିଫ୍ଟି୨ ଶହ ପଏଣ୍ଟ ଖସି ୨୫ ହଜାର ପଏଣ୍ଟ ତଳେ ରହିଛି । ଆଇଟି, ଅଟୋ, ବ୍ୟାଙ୍କ, ଏଫଏମଜିସି ଗୁଡିକର ସେୟାର ଖସିଛି ।
ତେବେ ଗତ ସପ୍ତାହ ଜୁନ୍ ୨୦ରେ ଷ୍ଟକ୍ ବଜାରରେ ଏକ ବଡ଼ ବୃଦ୍ଧି ଦେଖିବାକୁ ମିଳିଥିଲା । ସେନସେକ୍ସ ୧୦୪୬ ପଏଣ୍ଟ୍ ଉପରକୁ ଉଠି ୮୨.୪୦୮ ରେ ପହଞ୍ଚିଥିଲା ଏବଂ ନିଫ୍ଟି ୩୧୯ ପଏଣ୍ଟ୍ ଉପରକୁ ଉଠି ୨୫,୧୧୨ ରେ ବନ୍ଦ ହୋଇଥିଲା । ସେନସେକ୍ସର ୩୦ଟି ଷ୍ଟକ୍ ମଧ୍ୟରୁ ୨୭ଟି ଷ୍ଟକ୍ ବୃଦ୍ଧି ପାଇଥିଲା, ଯେତେବେଳେ ୩ଟି ହ୍ରାସ ପାଇଥିଲା । ଏୟାରଟେଲ୍, ନେସଲେ ଏବଂ ଏମ ଆଣ୍ଡ ଏମର ଶେୟାର ୩.୨% ପର୍ଯ୍ୟନ୍ତ ବୃଦ୍ଧି ପାଇଥିଲା । ଅନ୍ୟପକ୍ଷରେ, ମାରୁତି, ଅଲଟ୍ରାଟେକ୍ ସିମେଣ୍ଟ ଏବଂ ଆକ୍ସିସ୍ ବ୍ୟାଙ୍କର ସେୟାର ହ୍ରାସ ପାଇଥିଲା ।
