ସଂଚାର ବ୍ୟୁରୋ: ଉନ୍ନୟନମୂଳକ କାମର ସମୀକ୍ଷା କଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ । ଗୁଣ୍ଡିଚା ମନ୍ଦିର ବାହାରେ ନିର୍ମାଣ ହେଉଥିବା ସୂଚନା କେନ୍ଦ୍ର ସମେତ ସୌନ୍ଦର୍ଯ୍ୟ କରଣ କାର୍ଯ୍ୟକୁ ବୁଲି ଦେଖିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ଗୁଣ୍ଡିଚା ମନ୍ଦିର ସମ୍ମୁଖରେ ଥିବା ଗୋଟିଏ ସୂଚନା କେନ୍ଦ୍ର ବ୍ୟତୀତ ଅନ୍ୟ ଏକ ନୂତନ ସୂଚନା ଓ ବ୍ୟାଖ୍ୟାନ କେନ୍ଦ୍ର କରାଯାଉଛି । ସେହିପରି ବାହାର ପାର୍ଶ୍ୱରେ ଖଣ୍ଡଲାଇଟ ପଥର ଲଗାଯାଇ ସୌନ୍ଦର୍ଯ୍ୟ କାର୍ଯ୍ୟ ମଧ୍ୟ କରାଯିବାକୁ ଲକ୍ଷ୍ୟ ରଖାଯାଇଛି । ରଥଯାତ୍ରା ପୂର୍ବରୁ ଏସମସ୍ତ କାର୍ଯ୍ୟ ଶେଷ କରିବାକୁ ଲକ୍ଷ୍ୟ ରଖାଯାଇଛି। ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀଙ୍କ ସମେତ ଶ୍ରୀମନ୍ଦିର ପ୍ରଶାସନର ଅନ୍ୟାନ୍ୟ ଅଧିକାରୀ ନିର୍ମାଣ କାର୍ଯ୍ୟର ସମୀକ୍ଷା କରିଛନ୍ତି।
