ଶିକାରୀ ଗୁଳିରେ ଛେଳି ଚରାଳୀ ଗୁରୁତର । ଗଜପତି ଜିଲ୍ଲା ରାୟଗଡ଼ ଥାନା ଅନ୍ତର୍ଗତ ମଣ୍ଡଳ ସାହି ନିକଟ କରଞ୍ଜିଆ ଗାଁରେ ଘଟିଛି ଅଭାବନୀୟ ଘଟଣା। ଆହତ ବ୍ୟକ୍ତି ଜଣକ ହେଉଛନ୍ତି କରଞ୍ଜିଆ ଗାଁର ଦିବାକର ଭୁୟାଁ । ସନ୍ଧ୍ୟା ସମୟରେ ଛେଳି ଚରାଇ ଘରକୁ ଫେରୁଥିବା ବେଳେ ହଠାତ୍ ପିଠିରେ ବାଜିଥିଲା ଗୁଳି । ଗୁରୁତର ଅବସ୍ଥାରେ ଚିକିତ୍ସା ପାଇଁ ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା । ଆହତଙ୍କ ଅବସ୍ଥା ଗୁରୁତର ଥିବାରୁ ତୁରନ୍ତ ତାଙ୍କୁ ବ୍ରହ୍ମପୁର ବଡ ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି । ଗୁଳି କରିଥିବା ବ୍ୟକ୍ତି ସେଠାରୁ ଫେରାର ହୋଇ ଯାଇଥିବା ଜଣା ପଡିଛି । ଜିରାଙ୍ଗ ଫାଣ୍ଡି ପୋଲିସ ଘଟଣାସ୍ଥଳରେ ଅନୁସନ୍ଧାନ ଆରମ୍ଭ କରିଛି।
