ତିନି ଦିନ ସଂକଳ୍ପ ଯାତ୍ରା ପରେ ଆଜି ବେଶ ଜୋଶରେ ସାମ୍ବାଦିକ ସମ୍ମିଳନୀ କରିବା ସହିତ ଦଳୀୟ ନେତା ଓ କର୍ମୀଙ୍କୁ ଗୁରୁମନ୍ତ୍ର ଦେଇଛନ୍ତି ପିସିସି ସଭାପତି ଭକ୍ତ ଚରଣ ଦାସ ଓ ପ୍ରଭାରୀ ଅଜୟ କୁମାର ଲଲ୍ଲୁ । କଂଗ୍ରେସ ଭବନରେ ବରିଷ୍ଠ ନେତାମାନଙ୍କ ସହ ଆଲୋଚନା କରି ଏକଜୁଟ ହୋଇ ଲଢ଼ିବାକୁ ଗୁରୁମନ୍ତ୍ର ଦେଇଛନ୍ତି ଭକ୍ତ । ୩୦ ମିନିଟରୁ ଅଧିକ ସମୟ ଧରି ନେତାଙ୍କ ସହ ସଂଗଠନ ଉପରେ ଆଲୋଚନା କରିଥିଲେ ଉଭୟ l ଗିରିଧର ଗମାଙ୍ଗ, ଶ୍ରୀକାନ୍ତ ଜେନା, ଜୟଦେବ ଜେନା, ପ୍ରସାଦ ହରିଚନ୍ଦନ, ଅମର ପ୍ରଧାନ ପ୍ରମୁଖ ନେତା ଏହି ଅବସରରେ ଉପସ୍ଥିତ ଥିଲେ । ସେହିପରି ସଂଗଠନକୁ ତିଆରି କରିବା ପାଇଁ ପଦଯାତ୍ରା କଲୁ । ସମର୍ପଣ ପାଇଁ ଭୁବନେଶ୍ଵର ବିମାନ ବନ୍ଦରରୁ ପୁରୀ ଯାଏ ପଦଯାତ୍ରା କରି ଜଗନ୍ନାଥଙ୍କ ଆଶୀର୍ବାଦ ନେଲୁ l ଲୋକଙ୍କ ଠାରୁ ପଇସା ନେଇ କଂଗ୍ରେସ୍ ରାଜନୀତି କରିବ l ତାଙ୍କୁ କିଏ ଅପମାନ କଲେ ସେ ସହିଯିବେ ବୋଲି ସାମ୍ବାଦିକ ସମ୍ମିଳନୀରେ କହିଛନ୍ତି ଭକ୍ତ । କଂଗ୍ରେସକୁ ତିଆରି କରିବାକୁ ସେ ଦରକାର ପଡିଲେ ଜୀବନ ଦେବାକୁ ପ୍ରସ୍ତୁତ । କାମ ପାଇଁ ତାଙ୍କର ସମର୍ପଣ ଭାବ ସବୁବେଳେ ରହିବ l ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ ବଡ ଦାୟିତ୍ୱ ଦେଇଛନ୍ତି l ଅନେକ ରାଜ୍ୟରେ ତାଙ୍କ ନିଷ୍ପତ୍ତିରେ ମୁଖ୍ୟମନ୍ତ୍ରୀ ହୋଇଛନ୍ତି l ଓଡ଼ିଶାରେ ନୂଆ ଚିନ୍ତାଧାରରେ ରାଜନୀତି ହେବ ବୋଲି କହିଛନ୍ତି ଭକ୍ତ । କ୍ରାନ୍ତି ଆରମ୍ଭ ହୋଇଛି । ଦୁଇ ବର୍ଷ ଭିତରେ ଗାଁ ଗାଁରେ କ୍ରାନ୍ତି ଅଣାଯିବ ବୋଲି ଆଶା କରିଛନ୍ତି ଭକ୍ତ । ସେହିପରି ଓଡ଼ିଶା କଂଗ୍ରେସ ପ୍ରଭାରୀ ଅଜୟ ଲଲ୍ଲୁ କହିଛନ୍ତି, ସଙ୍ଗଠନ ସଜାଡିବା ସହ ଲୋକଙ୍କ ହିତକୁ ପ୍ରାଧାନ୍ଯ ଦେବ କଂଗ୍ରେସ । ସାମାଜିକ ନ୍ୟାୟ ଦେବା ପାଇଁ ପ୍ରଚେଷ୍ଟା କରିବ ଦଳ । ଗରିବ ଲୋକଙ୍କ ସ୍ଵର ସାଜିବ କଂଗ୍ରେସ୍ l ବ୍ଲକ୍, ଜିଲ୍ଲା ସଂଗଠନକୁ ଚଳଞ୍ଚଳର କରାଯିବ l ରାଜ୍ଯରେ ୩୬ ହଜାର ମହିଳା ଓ ଶିଶୁ ନିଖୋଜ ରହିଛନ୍ତି l ଗୃହ ବିଭାଗ ଦାୟିତ୍ବରେ ଥିବା ମୁଖ୍ଯମନ୍ତ୍ରୀ ମୋହନ ମାଝୀ ଏ ପ୍ରସଂଗରେ ଶୋଇଛନ୍ତି କାହିଁକି ବୋଲି କଂଗ୍ରେସ ପ୍ରଭାରୀ ପ୍ରଶ୍ନ କରିଛନ୍ତି । ଓଡ଼ିଶାର ଖଣି, ପାଣି ଲୁଟୁଛନ୍ତି l ଆଦିବାସୀମାନେ ଅଧିକାର ପାଉନାହାନ୍ତି l କଂଗ୍ରେସ ସଶକ୍ତ ବିରୋଧୀ ଦଳ ଭାବେ କାମ କରିବ l ସରକାରଂକ ଦୋଷ ଦୁର୍ବଳତାକୁ ପଦାକୁ ଆଣିବ l ୭ମାସରେ ୭୦୦ ବଦନାମ ବୋଝ ନେଇଛି ବିଜେପି ସରକାର l ବିଜେପିକୁ ହଟାଇବା ଏବେ ଲୋକଙ୍କର ପ୍ରଧାନ ମାନସିକତା ବୋଲି କହିଛନ୍ତି ଅଜୟ ଲଲ୍ଲୁ ।
