ସଂଚାର ବ୍ୟୁରୋ: କଳାହାଣ୍ଡି ଜିଲ୍ଲା କୋକସରା ବ୍ଲକରେ ବ୍ୟାପୁଛି ଝାଡାବାନ୍ତି । ଏଥିରେ ଜଣେ ମୃତ ହୋଇଥିବା ବେଳେ ୨୦ରୁ ଉର୍ଦ୍ଧ୍ବ ଲୋକ ଆକ୍ରାନ୍ତ ହୋଇଛନ୍ତି । ଗୋଟିଏ ସପ୍ତାହ ମଧ୍ୟରେ କୋକସରା ବ୍ଲକ ଡଙ୍ଗରୀଗୁଡା କୈବର୍ତ୍ତପଡାରେ ଝାଡାବାନ୍ତି ବ୍ୟାପିବାରେ ଲାଗିଛି । ଏହି ଅଞ୍ଚଳରୁ ୧୫ରୁ ଉର୍ଦ୍ଧ୍ବ ଲୋକେ ଝାଡାବାନ୍ତିରେ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି। ଘଟଣାସ୍ଥଳରେ କୋକସରା ମେଡିକାଲ ଟିମ ପହଞ୍ଚି ଔଷଧ ବଣ୍ଟନ କରିବା ସହ ସଚେତନ କରୁଛି । ଆଗକୁ ଏହା ଆୟତ୍ତ ନକଲେ ପୂରା ଗାଁରେ ବ୍ୟାପିବାର ଆଶଙ୍କା କରୁଛନ୍ତି ଗ୍ରାମବାସୀ।
