କେନ୍ଦ୍ରାପଡ଼ା: ନିର୍ବନ୍ଧ ପରେ କନ୍ୟାକୁ ବିଷ । ବିଷ ପିଆଇଲା ଭାବି ସ୍ୱାମୀର ପୂର୍ବତନ ପ୍ରେମିକା । କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇର ଡାମରପୁର ଗାଁରେ ଏଭଳି ଅଭାବନୀୟ ଘଟଣା ଘଟିଛି । ଝିଅର ନିର୍ବନ୍ଧ ଲାଗି ପରିବାର ଲୋକ ଯାଇଥିବା ବେଳେ ଭାବି ସ୍ୱାମୀର ପ୍ରେମିକା ଥଣ୍ଡାରେ ଝିଅକୁ ବିଷ ପିଆଇଥିବା ଅଭିଯୋଗ ହୋଇଛି। ଡାମରପୁର ଗାଁର କୈଫତ ଅଲ୍ଲୀଙ୍କ ଝିଅର ଆଜି ପଟ୍ଟାମୁଣ୍ଡାଇରେ ନିର୍ବନ୍ଧ ଥିଲା । ଏଥିପାଇଁ ଝିଅର ବାପା-ମା’ ପଟ୍ଟାମୁଣ୍ଡାଇ ଯାଇଥିଲେ । ଏହି ସମୟରେ ଝିଅ ଘରେ ପହଞ୍ଚି ପୁଅର ପୂର୍ବତନ ପ୍ରେମିକା ଥଣ୍ଡା ବୋତଲରେ ବିଷ ମିଶାଇ ଝିଅକୁ ଜୋର ଜବରଦସ୍ତ କରି ପିଆଇଦେଇଥିଲା । ଝିଅର ସ୍ୱାସ୍ଥ୍ୟାବସ୍ଥା ସଂକଟାପନ୍ନ ହେବାରୁ ତାକୁ ପ୍ରଥମେ ପଟ୍ଟାମୁଣ୍ଡାଇ ଓ ପରେ କେନ୍ଦ୍ରାପଡ଼ା ଜିଲ୍ଲା ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି । ଗ୍ରାମବାସୀମାନେ ସମ୍ପୃକ୍ତ ଯୁବତୀକୁ ଅଟକ ରଖିବା ସହ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଥିଲା । ବିଷ ପିଆଇଥିବା ମହିଳା ଜଣକ ବିବାହିତା ଆଉ ତାର ବାହାହେବାକୁ ଥିବା ଯୁବକ ସହ ପରକୀୟା ପ୍ରୀତି କାରଣରୁ ଏଭଳି ପଦକ୍ଷେପ ଗ୍ରହଣ କରିଛି ବୋଲି ଜଣାପଡ଼ିଛି ।
