ସଂଚାର ବ୍ୟୁରୋ: ନେତାଜୀ ସୁବାଷ ବୋଷ ଓ ବୀର ସୁରେନ୍ଦ୍ର ସାଏଙ୍କ ଜୟନ୍ତ୍ରୀ ଅବସରରେ ବାଲୁକା କଳାରେ ଶୁଭେଛା ଦେଲେ ଆନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ଏହି ଅବସରରେ ୧୨୮ତମ ନେତାଜୀ ଜୟନ୍ତୀର ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ସୁଦର୍ଶନ । ୫ ଫୁଟ୍ ଉଚ୍ଚ ଓ ୮ ଫୁଟ୍ ଲମ୍ବର ଏକ ରଙ୍ଗୀନ ବାଲୁକାକଳାରେ ସେ ଘୋଡ଼ାରେ ବସିଥିବା ନେତାଜୀଙ୍କ ଏକ ନିଖୁଣ ବାଲୁକା ଚିତ୍ର ପ୍ରସ୍ତୁତ କରିଛନ୍ତି । ଏଥିସହିତ ସଲ୍ଲ୍ୟୁଟ ନେତାଜୀ ଓ ଜୟ ହିନ୍ଦ୍ ର ବାର୍ତ୍ତା ମଧ୍ୟ ଦେଇଛନ୍ତି । ସେଇଭଳି ସ୍ୱାଧୀନତା ସଂଗ୍ରାମୀ ତଥା ବୀର ସୁରେନ୍ଦ୍ର ସାଏଙ୍କୁ ମଧ୍ୟ ସେ ଏକ ବାଲୁକା କଳାରେ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ବୀର ସୁରେନ୍ଦ୍ର ସାଏଙ୍କ ୨୧୬ ତମ ଜୟନ୍ତୀରେ ସେ ଶୁଭେଛା ଜଣାଇବା ସହ ବୀର ସୁରେନ୍ଦ୍ର ସାଏଙ୍କ ଅବିକଳ ବାଲୁକା ଚିତ୍ର ପ୍ରସ୍ତୁତ କରିଛନ୍ତି ।
