ବର୍ତ୍ତମାନ ଘରେ ଘରେ ମଧୁମେହ ବା ଡାଇବେଟିସ ରୋଗୀ । ବ୍ୟସ୍ତବହୁଳ ଜୀବନଚର୍ଯ୍ୟା, ଅବସାଦ ଏହି ରୋଗର ପ୍ରମୁଖ କାରଣ ହୋଇଛି । ତେବେ କମ୍ ସମୟ ଶୋଇବା ମଧୁମେହ ଆଶଙ୍କା ହୋଇପାରେ ବୋଲି ରିପୋର୍ଟରୁ ଜଣାପଡିଛି । ଯଦି ଜଣେ ବ୍ୟକ୍ତି ୬ ଘଣ୍ଟାରୁ କମ୍ ସମୟ ଶୋଉଛନ୍ତି ତେବେ ତାଙ୍କୁ ଡାଇବେଟିସ୍ ହେବା ଆଶଙ୍କା ରହିଛି । ଏହି ରୋଗ ଜେନେଟିକ୍ କାରଣରୁ ମଧ୍ୟ ହୋଇଥାଏ ।
ବିଗତ କିଛି ବର୍ଷ ହେବ ଟାଇପ-୨ ମଧୁମେହ ରୋଗୀଙ୍କ ସଂଖ୍ୟା ଅଧିକ ରହିଛି । କମ୍ ଶୋଇବା କାରଣରୁ ଏହାର ସଂଖ୍ୟା ବଢୁଛି ବୋଲି ଅନୁମାନ କରାଯାଉଛି । ଦିନକୁ ଜଣେ ବ୍ୟକ୍ତି ୬ ଘଣ୍ଟାକୁ କମ୍ ଶୋଇଲେ ମଧୁମେହ ଆଶଙ୍କା ବଢିଥାଏ । କମ୍ ଶୋଇବା ଦ୍ବାରା କର୍ଟିସୋଲ ହରମୋନ୍ ବୃଦ୍ଧିପାଏ । ଏହାର ସିଧା ପ୍ରଭାବ ରକ୍ତ ଶର୍କରା ଉପରେ ପଡିଥାଏ । ରକ୍ତ ଶର୍କରା ସ୍ତର ବଢିଥାଏ । ଏହି ସମସ୍ୟା ଅଧିକ ଲାଗି ରହିଲେ ମଧୁମେହ ଆଶଙ୍କା ଉପୁଜିଥାଏ ।
ଏହି ସମସ୍ୟାରୁ ମୁ୍କ୍ତି ପାଇବାକୁ ହେଲେ ରାତିରେ ଶୋଇବା ପୂର୍ବରୁ ୨ ଘଣ୍ଟା ପୂର୍ବରୁ ରାତ୍ରୀ ଭୋଜନ ଖାଆନ୍ତୁ । ରାତିରେ ଚାହା, କଫି ଇତ୍ୟାଦି ପିଅନ୍ତୁ ନାହିଁ । ଏକ ନିର୍ଦ୍ଧିଷ୍ଟ ସମୟରେ ଶୋଇବା ଅଭ୍ୟାସ କରନ୍ତୁ । ଅଧିକ ସମୟ ମୋବାଇଲ ବ୍ୟବହାର କରନ୍ତୁ ନାହିଁ । ରାତିରେ ୭ରୁ୮ ଘଣ୍ଟା ଶୋଇବାକୁ ଚେଷ୍ଟା କରନ୍ତୁ । ତେବେ ମଧୁମେହ ଆଶଙ୍କାକୁ ଏଡାଇପାରିବେ ।
