ମେଷ : ବନ୍ଧୁମାନେ ଫାଇଦା ପାଇଁ ଆପଣଙ୍କୁ କିଛି କାମ କରିପାରନ୍ତି । ଜମା ଭଲ ପଡୁ ନ ଥିବା ବ୍ୟକ୍ତିଙ୍କ ସହ ବିବାଦୀୟ ପରିସ୍ଥିତି ସୃଷ୍ଟି ହୋଇପାରେ । ଅଫିସରେ ପରସ୍ପର ଗୋଡ଼ଟଣାଟଣି ହେତୁ କାମ ହାସଲ କରିବା କଷ୍ଟକର ହୋଇପଡ଼ିବ । ପରିବାରରେ କେତେକ ବ୍ୟତିକ୍ରମ ରହିଥିଲେ ମଧ୍ୟ ବିଶେଷ କିଛି ଗୋଳମାଳିଆ ପରିସ୍ଥିତି ଦେଖା ଦେବ ନାହିଁ ।
ବୃଷ : ଆଜି ବନ୍ଧୁଙ୍କ ସହଯୋଗରେ କାର୍ଯ୍ୟାରମ୍ଭ, ମନୋରଞ୍ଜନ କାର୍ଯ୍ୟକ୍ରମ କରିପାରନ୍ତି । ପାରିବାରିକ ସଦ୍ଭାବରୁ ଖୁସି ରହିବେ ଏବଂ ସକାଳୁ ପୂର୍ବ ନିର୍ଦ୍ଧାରିତ କାମ ପାଇଁ ସଜବାଜ ହେବେ । ପ୍ରାଥମିକ ଅବସ୍ଥାରେ ସମସ୍ୟା ଓ ପ୍ରତିବନ୍ଧକ ଦେଖାଦେଲେ ମଧ୍ୟ ପରେ ସବୁ ଠିକ୍ ହୋଇଯିବ । ଭୁଲ୍ ବୁଝାମଣା ଯୋଗୁ ଅନ୍ୟମାନଙ୍କୁ ସନ୍ଦେହ କରିପାରନ୍ତି ।
ମିଥୁନ : ଘରୋଇ କାମରେ ଅନ୍ୟମାନଙ୍କ ଉପରେ ପୁରା ଭରସା କରି ପ୍ରତାରିତ ହେବେ । କୌଣସି ଉନ୍ନତିମୂଳକ କାମ ସକାଶେ ମୋଟା ଅଙ୍କର ଅର୍ଥର ଆବଶ୍ୟକତା ପଡ଼ିପାରେ । କର୍ମଜଞ୍ଜାଳ ବୃଦ୍ଧି ଯୋଗୁ ଘରୋଇ କାମ ଅଧୁରା ରହିଯିବ । ପ୍ରତିଦ୍ୱନ୍ଦ୍ୱୀଙ୍କ ସହିତ ବାଣିଜ୍ୟ, ପରିବହନ ଏବଂ ବ୍ୟବସାୟରେ ପ୍ରତିଦ୍ୱନ୍ଦ୍ୱିତା ବଢ଼ିପାରେ ।
କର୍କଟ : ଆଜି ବନ୍ଧୁଙ୍କ ନିମନ୍ତ୍ରଣ ପାଇ ଯାତ୍ରା କରିବାକୁ ପଡ଼ିପାରେ । ଯାତ୍ରା, ବାଣିଜ୍ୟ, ପ୍ରତିଦ୍ୱନ୍ଦ୍ୱିତାରେ ଅବଶ୍ୟ ସଫଳତା ହାସଲ କରିବେ । କୌଣସି ମୂଲ୍ୟବାନ ଜିନିଷ କିଣିବା ସକାଶେ ହଠାତ୍ ମୋଟା ଅଙ୍କର ଅର୍ଥର ଆବଶ୍ୟକତା ପଡ଼ିପାରେ । ପାରିବାରିକ କ୍ଷେତ୍ରରେ ସନ୍ଦେହ ଓ ଭୁଲ୍ ବୁଝାମଣା ସମସ୍ୟାର ମୁଖ୍ୟ କାରଣ ହେବ ।
ସିଂହ : ଚେଷ୍ଟା କରୁଥିବା କାମଗୁଡ଼ିକ ସୁରୁଖୁରୁରେ ହୋଇଯିବା କାରଣରୁ ଆଶ୍ୱସ୍ତିଲାଭ କରିବେ । ବୟସ୍କ ବ୍ୟକ୍ତିଙ୍କ ପରାମର୍ଶରୁ ଆର୍ଥକ ଦିଗରୁ ସନ୍ତୋଷଜନକ ଫଳ ପାଇବେ । ଦୈହିକ ଦୁର୍ବଳତାଜନିତ ମନୋବଳ କମିଯିବ । ଆଜିର ଯାତ୍ରା ଓ ଆନୁଷ୍ଠାନିକ କାମରୁ ଖୁସି ରହିବେ । ବ୍ୟବସାୟ ଓ ପରିବହନରେ ଲାଭ ମିଳିବ ।
କନ୍ୟା : ପ୍ରତ୍ୟେକ କ୍ଷେତ୍ରରେ ବହୁତ ଝଡ଼ଝଞ୍ଜା ମଧ୍ୟ ଦେଇ କାମ ହାସଲ କରିବେ । ପାରସ୍ପରିକ ସହମତିରେ କାମ କରିଚାଲିଲେ ପାରିବାରିକ ଜୀବନ ସୁଖ ସନ୍ତୋଷରେ କଟିବ । ବାଣିଜ୍ୟ, ବ୍ୟବସାୟରେ ପ୍ରତିଦ୍ୱନ୍ଦ୍ୱିତା ବଢ଼ିପାରେ କିନ୍ତୁ କ୍ଷତି ହେବନି । ମାନସିକ ଅବସାଦ ଦୂର ହେବାରେ ବନ୍ଧୁ ସାହାଯ୍ୟ କରିପାରନ୍ତି ।
ତୁଳା : ଆଜି କୌଣସି ଏକ ନିର୍ଦ୍ଦିଷ୍ଟ ସ୍ଥାନରେ ଦୀର୍ଘ ସମୟ ଧରି ସ୍ଥିର ରହିପାରିବେ ନାହିଁ । ଦକ୍ଷତା ଓ ସମୟାନୁବର୍ତ୍ତିତା କାରଣରୁ କର୍ମକ୍ଷେତ୍ରରେ ସମ୍ମାନ ଲାଭ ଓ ପଦମର୍ଯ୍ୟାଦା ବୃଦ୍ଧି ପାଇବ । ବ୍ୟବସାୟରେ ନୂତନ ଦିଗ କିଛି ଯୋଡ଼ିବା ସକାଶେ ଚିନ୍ତା କରିବେ । ପରିବାରରେ ପାରସ୍ପରିକ ସମ୍ପର୍କ ହାନି ଯୋଗୁ ଚିନ୍ତା ପ୍ରକଟ କରିବାକୁ ପଡ଼ିପାରେ ।
ବିଛା : ଆଜି କାମରେ ସଫଳତା, ବିବାଦରେ ବିଜୟ, ପ୍ରତିଯୋଗିତାରେ ଅଗ୍ରଣୀ ପୂର୍ବକ ସୁନାମ ଅର୍ଜନ କରିବେ । ବାଣିଜ୍ୟ, ବ୍ୟବସାୟ, ପରିବହନ ତଥା ପ୍ରଶାସନିକ କ୍ଷେତ୍ର ପ୍ରତ୍ୟେକରେ ସୁଫଳ ପାଇବେ । ଆଶା କରି ନ ଥିବା କୌଣସି ଅଚାନକ ଶୁଭଖବର ପାଇ ଖୁସି ହୋଇପାରନ୍ତି । ପିଲାଙ୍କ ପଢ଼ା ସମସ୍ୟା ଚିନ୍ତା ବଢ଼ାଇପାରେ ।
ଧନୁ : ଆଜିର ଯାତ୍ରାରେ ଯେଉଁ କାମରେ ଯାଉଛନ୍ତି, ସେଥିରେ ଅସୁବିଧା ହେବ ନାହିଁ । ଆଜି କାମ ହାସଲ କରି ଯେତିକି ଖୁସି ହେବେ ପରିବାରରେ ଅଶାନ୍ତିର ବାତାବରଣରୁ ସେତିକି ଦୁଃଖୀ ହୋଇପାରନ୍ତି । କର୍ମକ୍ଷେତ୍ରରେ ପଦସ୍ଥଙ୍କ ସାନ୍ନିଧ୍ୟରୁ ଉପକୃତ ହେବେ । ବନ୍ଧୁମାନେ ଫାଇଦା ହାସଲ ସକାଶେ ଯୋଜନା କରିପାରନ୍ତି ।
ମକର : ପାରିବାରିକ କ୍ଷେତ୍ରରେ ସଦ୍ଭାବ କ୍ରମଶଃ ବୃଦ୍ଧି ପାଇବ ମାତ୍ର ବନ୍ଧୁ ସମ୍ପର୍କରେ ଅବନତି ଘଟିପାରେ । ବ୍ୟବସାୟରେ ମାନମନାନ୍ତର ଦେଖା ଦେଇପାରେ କିନ୍ତୁ କ୍ଷତିର ଭରଣା କରିପାରିବେ । ନୂତନ ବସ୍ତ୍ର, ଅଳଙ୍କାର, ଔଷଧପତ୍ର ଓ ସୌଖୀନ ଦ୍ରବ୍ୟ କ୍ରୟ କରିପାରନ୍ତି । ଆଜିର ଯାତ୍ରା, ବନ୍ଧୁମିଳନ, ପଦସ୍ଥ ବ୍ୟକ୍ତିଙ୍କ ସାନ୍ନିଧ୍ୟ ଏବଂ ପ୍ରଶଂସା, ପ୍ରୋତ୍ସାହନରୁ ଖୁସି ରହିବେ ।
କୁମ୍ଭ : ନିଜ ଲୋକମାନେ ବିଶ୍ୱାସଘାତକତା କରିପାରନ୍ତି ଏଣୁ ସତର୍କରେ ଚଳିବା ଭଲ ହେବ । ଅପରାହ୍ନ ସମୟରେ ହଜିଯାଇଥିବା ଜିନିଷର ଖୋଜ ଖବର ପାଇପାରନ୍ତି । କୌଣସି କାମକୁ ନେଇ ସମାଲୋଚିତ ହେବାକୁ ପଡ଼ିପାରେ । ସଭାସମିତି, କ୍ରୀଡ଼ା, ବକ୍ତୃତା ପ୍ରତିଯୋଗିତା କ୍ଷେତ୍ରରେ ସଫଳତା ହାସଲ କରିପାରିବେ ।
ମୀନ : ସକାଳୁ ସକାଳୁ ବନ୍ଧୁଙ୍କ ଡାକରା ଆପଣଙ୍କୁ ବିଚଳିତ କରାଇପାରେ । ଜଣେ ପଦସ୍ଥ ବ୍ୟକ୍ତିଙ୍କ ସାହାଯ୍ୟରୁ ପ୍ରତିକୂଳ ପରିସ୍ଥିତିର ଚାପ କ୍ରମଶଃ କମିଯିବ । ଅତି ଭଲ ସମ୍ପର୍କ ଥିଲେ ମଧ୍ୟ ବନ୍ଧୁଙ୍କ ଆଚରଣ ମନରେ ସନ୍ଦେହ ସୃଷ୍ଟି କରିବ । ଋଣ ପରିଶୋଧଜନିତ ଦୁଶ୍ଚିନ୍ତା ସାଙ୍ଗକୁ ଅପଦସ୍ଥ ମଧ୍ୟ ହେବାକୁ ପଡ଼ିପାରେ ।
