ସଂଚାର ବ୍ୟୁରୋ: ମାରଣାସ୍ତ୍ର ଦେଖାଇ ସୁନା ଦୋକାନରୁ ଲୁଟ । ତୁମୁସିଙ୍ଗା ଥାନା ଅଁଳାବେରେଣି ଠାରେ ଥିବା ଏକ ସୁନା ଦୋକାନରୁ ଲୁଟ । ଦୋକାନର ମାଲିକ ଗୋପି ପୃଷ୍ଟି ଦୋକାନ ବନ୍ଦ କରିବା ସମୟରେ ୨ଟି ବାଇକରେ ୪ଜଣ ଦୂବୁର୍ତ୍ତ ହଠାତ ଆସି ଦୋକାନୀଙ୍କୁ ଏକ ଭୂଜାଲି ଦେଖାଇ ଭୟଭିତ କରିବା ସହ ମାଡ ମାରି ଟଙ୍କା ଓ ସୁନା ଥିବା ବ୍ୟାଗକୁ ନେଇ ଢେଙ୍କାନାଳ ଆଡକୁ ଚମ୍ପଟ ମାରିଥିଲେ । ବ୍ୟାଗରେ ପ୍ରାୟର ୨ଭରି ସୁନା, ରୁପାଗହଣା ସହ ଲକ୍ଷାଧିକ ଟଙ୍କାର ଥିବାର ଜଣାପଡିଛି । ଖବର ପାଇ କାମାକ୍ଷାନଗର SDPO ଓ ତୁମୁସିଙ୍ଗା ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି । ପୂର୍ବରୁ ମଧ୍ୟ କିଛି ଦିନ ତଳେ ଏହି ସୁନା ଦୋକାନରୁ ସଟର ତାଡି ଲୁଟ ହୋଇଥିଲା । ତେବେ ସେ ସଂପର୍କରେ କୈାଣସି ସୂଚନା ମିଳିପାରି ନଥିଲା । ଆଜିର ଏହି ଲୁଟ ପରେ ସ୍ଥାନିୟ ଅଞ୍ଚଳରେ ପୋଲିସ ପେଟ୍ରୋଲିଙ୍ଗ କଡାକଡି ଭାବେ କରିବା ପାଇଁ ଦାବି ହୋଇଛି ।
