ସଂଚାର ବ୍ୟୁରୋ: ମାଲକାନଗିରି ଜିଲ୍ଲାରେ ବିଏସଏଫ ବାହିନୀକୁ ମିଳିଲା ବଡ ସଫଳତା । ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳରେ ଠାବ ହେଲା ମାଓ ଡମ୍ପ । ଡମ୍ପ ଭିତରୁ ବାହାରିଲା ଚାରଟି ଟିଫିନ ବୋମା ବା IED ସହ ଗୋଟିଏ 12 ଭୋଲ୍ଟ ବେଟେରୀ, ବିଦ୍ୟୁତ ତାର, ବଡ ପ୍ଳାଷ୍ଟିକ ଡ୍ରମ, ଅକ୍ସିଜେନ ସିଲିଣ୍ଡର ସହ ଅନେକ ବିସ୍ଫୋରକ ସାମଗ୍ରୀ । ଘନବେଡା ଓ ଗୋରାସେତୁ ବିଏସଏଫ କେମ୍ପର 177 ବାଟାଲିୟନର ଜବାନ ମାନେ ଏରିଆ ଡମିନେସନ କରିବା ଲାଗି ପଣଷପୁଟ ପଞ୍ଚାୟତ ଅନ୍ତର୍ଗତ କେନ୍ଦୁଗୁଡା ଜଙ୍ଗଲକୁ ଯାଇଥିଲେ । ହେଲେ ଜଙ୍ଗଲ ଭିତରେ ଯାଞ୍ଚ ତଲାସୀ ଚାଲିଥିବା ବେଳେ ଗୋଟିଏ ସ୍ଥାନରେ ଲେଣ୍ଡମାଇନ ଡିଟେକ୍ଟର ଦ୍ବାରା ସର୍ଚ୍ଚ କରି ଜବାନ ଏହି ସବୁ ବିସ୍ଫୋରକ ସାମଗ୍ରୀ ଜବତ କରିଛନ୍ତି।
