ପୁଣି ଖୁସି କରିଦେଲା ସୁନା । ଆଜି ପୁଣି କମିଛି ଦର । ୨୨ କ୍ୟାରେଟ୍ ସୁନା ଦର ୭୦୦ ଟଙ୍କା କମିଛି । ସେହିପରି ୨୪ କ୍ୟାରେଟ୍ ସୁନା ଦର କମିଛି ୭୬୦ ଟଙ୍କା । ଆଜି ୨୨ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ହୋଇଛି ୧ ଲକ୍ଷ ୨୪ ହଜାର ୭୦୦ ଟଙ୍କା । ଗୋଟିଏ ସପ୍ତାହ ମଧ୍ୟରେ ୨୨ କ୍ୟାରେଟ ସୁନା ଦର ୫ ହଜାରରୁ ଅଧିକ ଖସି ସାରିଲାଣି ।
ଅନ୍ୟପଟେ ୨୪ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ୧ ଲକ୍ଷ ୩୬ ହଜାର ୮୦୦ ଟଙ୍କା । ଚଳିତ ବର୍ଷ ସୁନା ଦରରେ ଲଗାତର ବୃଦ୍ଧି ହୋଇ ଚାଲିଥିଲା । ୨୦୨୫ ଡିସେମ୍ବରରେ ୨୪ କ୍ୟାରେଟ୍ ସୁନା ଦର ଥିଲା ୧ ଲକ୍ଷ ୩୩ ହଜାର ଟଙ୍କା । ଏହା ପରେ ବଢ଼ି ବଢ଼ି ୧ ଲକ୍ଷ ୭୬ ହଜାର ଟଙ୍କାରେ ପହଞ୍ଚିଥିଲା ।
ଏହା ସ୍ତରରୁ ସୁନା ପ୍ରାୟ ୪୦ ହଜାର ଟଙ୍କା ପର୍ଯ୍ୟନ୍ତ ଶସ୍ତା ହୋଇଛି । ସେହିପରି ରୁପା ରେଟ୍ କିଲୋଗ୍ରାମ ପିଛା ହୋଇଛି ୧ ଲକ୍ଷ ୯୦ ହଜାର ଟଙ୍କା । ଦୁଇ ଦିନ ତଳେ ଅର୍ଥାତ ୧୫ ତାରିଖରେ ଏହି ଦର ଥିଲା ୧ ଲକ୍ଷ ୯୫ ହଜାର ଟଙ୍କା ।



