ଚଳନ୍ତା ଅଟୋରେ ଯୁବତୀଙ୍କ ଚିତ୍କାର । ବସଷ୍ଟାଣ୍ଡରୁ ଷ୍ଟେସନ ନେବାକୁ ଉଦ୍ୟମ ବେଳେ ଖସିବାକୁ ଉଦ୍ୟମ । ଅଟୋରେ ଯୁବତୀକୁ ନେବା ବେଳେ କଲେ ଚିତ୍କାର । ଅପହରଣ ଭାବି ଘେରି ଗଲେ ବସଷ୍ଟାଣ୍ଡରେ ଲୋକେ । ରାତି ଅଧରେ ଭୁବନେଶ୍ୱର ବରମୁଣ୍ଡା ବସଷ୍ଟାଣ୍ଡରେ ଦେଖିବାକୁ ମିଳିଥିଲା ଏମିତି ଘଟଣା ।
କିନ୍ତୁ ତାହା ଅପହରଣ ନୁହେଁ ବରଂ ପରିବାର ଲୋକ ନିଜ ଝିଅକୁ କାବୁ କରିବାକୁ ଉଦ୍ୟମ ବେଳେ ଘଟିଥିଲା ଏମିତି ହାଇଡ୍ରାମା । ବରମୁଣ୍ଡା ବସଷ୍ଟାଣ୍ଡରେ ରାତି ଅଧରେ ଏଭଳି ଏକ ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା । ଆଣ୍ଡାମାନ ନିକୋବରରୁ ଖସି ଆସିଥିବା ଯୁବତୀକୁ କାବୁ ବେଳେ ଘେରିଯାଇଥିଲେ ଲୋକେ । ଅପହରଣ ସନ୍ଦେହରେ ଥାନାରେ ନେଇ ଜିମା ଦେଇଥିଲେ ।
ଘରୁ ଖସି ପଳାଇ ଆସିଥିବା ଯୁବତୀକୁ ବସଷ୍ଟାଣ୍ଡରୁ ପାଇବା ପରେ ଘରକୁ ଫେରାଇ ନେବାକୁ ପରିବାର ଲୋକେ ଉଦ୍ୟମ କରୁଥିଲେ । ବରମୁଣ୍ଡା ବସଷ୍ଟାଣ୍ଡରୁ କାବୁ କରି ରେଳଷ୍ଟେସନ ନେବା ବେଳେ ଯୁବତୀ ଜଣଙ୍କ ଏପରି ଚିତ୍କାର କରିଥିଲେ । ଯାହାକୁ ନେଇ ଯୁବତୀକୁ କେହି ଅପହରଣ କରୁଥିବା ସ୍ଥାନୀୟ ଲୋକେ ସନ୍ଦେହ କରିଥିଲେ । ପରେ ହୋହଲ୍ଲା ସହ ପୋଲିସର ଜିମା ଦେବା ପରେ ସବୁ ଘଟଣା ସାମ୍ନାକୁ ଆସିଥିଲା । ପରିବାର ଲୋକଙ୍କ ଯାଞ୍ଚ ପରେ ପୋଲିସର ସେମାନଙ୍କୁ ଛାଡି ଦେଇଛି ।



