ସଂଚାର ବ୍ୟୁରୋ: ଯାତ୍ରାରେ ଚାଲିବନି ହିଟଲର ଶାସନ । ଜଣେ ମାଲିକଙ୍କ ଅହଂକାର ପାଇଁ ବର୍ତ୍ତମାନ ଏ ବିବାଦ ଚରମ ସ୍ତରରେ ପହଁଚିଛି । ବର୍ତ୍ତମାନ କଳାକାରମାନେ ମଞ୍ଚ ଛାଡି ଟିଭି ଓ ମୋବାଇଲରେ ଯାତ୍ରା କରୁଛନ୍ତି । ଏହାଦ୍ବାରା ଯାତ୍ରାଜଗତ ବଦନାମ ହେଉଛି । କିନ୍ତୁ ଏ ସମସ୍ୟାର ସମାଧାନ ହୋଇପାରିବ । କଳାକାର ସଂଘ ନମ୍ରତାର ସହ ଆଲୋଚନା ପାଇଁ ନିବେଦନ କରୁଛି ଓ ମାଲିକ-କଳାକାର-କମିଟି-ପରିଚାଳକଙ୍କ ମଧ୍ୟରେ ସମନ୍ବୟ ରକ୍ଷା ପାଇଁ ଆହ୍ବାନ ଦେଉଛି ବୋଲି କହିଛନ୍ତି କଳାକାର ମହାସଂଘର ମୁଖ୍ୟ ଉପଦେଷ୍ଟା ବାପି ପଣ୍ଡା । ଜଣେ ଦୁଇ ଜଣ ମାଲିକ ଯାହାଙ୍କ ପାଇଁ ଏ ବିବାଦ ପଦାକୁ ଆସିଛି ସେ ଅହଂଭାବ ଛାଡି ନମ୍ରତାର ସହ ଆଲୋଚନା ଟେବୁଲକୁ ଆସିଲେ ଏହି ବିବାଦର ସମାଧାନ ହୋଇପାରିବ । କଳାକାର ମହାସଂଘ କଳାକାରଙ୍କ ବକେୟା ପାଉଣା ଓ କର୍ମଚାରୀଙ୍କ ଦରମା ନେଇ ସ୍ବର ଉଠାଉଛି । ତେଣୁ ଆକ୍ରୋଶମୂଳକ କାର୍ଯ୍ୟାନୁଷ୍ଠାନ ହେଲେ ତାର ପ୍ରତିବାଦ କରାଯିବ । ନରୀ ପଣ୍ଡା ଓ ପ୍ରତାପ ମହାନ୍ତିଙ୍କ ଉପରୁ ବ୍ୟାନ ହଟାଇବାକୁ ମଧ୍ୟ ଦାବି କରାଯାଉଛି । କାରଣ ଏହାଦ୍ବାରା କଳାକାରଙ୍କ ସମ୍ମାନହାନୀ ହେଉଛି । ଜଲିଉଡରେ ଚାଲିଥିବା ଏହି ବିବାଦ ପାଇଁ ଦର୍ଶକ ଓ ଆୟୋଜକମାନେ ମଧ୍ୟ ଆତଙ୍କରେ ଅଛନ୍ତି । ଏହାର ସମାଧାନ କେବଳ ମାଲିକ, କଳାକାର, ପରିଚାଳକ ଓ ଆୟୋଜକଙ୍କ ମଧ୍ୟରେ ଏକାଠି ବସି ଆଲୋଚନା ଦ୍ବାରା ହିଁ ହୋଇପାରିବ ବୋଲି ସେ କହିଛନ୍ତି ।
