ସଂଚାର ବ୍ୟୁରୋ: ପ୍ରବଳ ବର୍ଷାରେ ବେହାଲ ବେଙ୍ଗାଳୁରୁ । ଲଗାଣ ବର୍ଷା ହେବା ଫଳରେ ବେଙ୍ଗାଳୁରୁ ସହରର ବିଭିନ୍ନ ଅଞ୍ଚଳରେ ଜଳାର୍ଣ୍ଣବ ସ୍ଥିତି ଦେଖାଦେଇଛି । ଘର ସମେତ ରାଜରାସ୍ତାରେ ଚାଲୁଛି ଅଣ୍ଠୁଏ ଉଚ୍ଚର ପାଣି । ଘର ଭିତରେ ପାଣି ଚାଲୁଥିବାରୁ ଲୋକମାନେ ବିଭିନ୍ନ ସମସ୍ୟାର ସମ୍ମୁଖୀନ ହେଉଛନ୍ତି । ଏଭଳି କି ବିଳାସପୂର୍ଣ୍ଣ ବଡ ବଡ ଆପାର୍ଟମେଣ୍ଟରେ ମଧ୍ୟ ଲୋକମାନେ ନାହିଁନଥିବା ସମସ୍ୟାର ସମ୍ମୁଖୀନ ହେଉଛନ୍ତି । ଆପାର୍ଟମେଣ୍ଟ ତଳେ ପାଣି ଜମି ଥିବାରୁ ଲୋକମାନେ ଘରୁ ବାହାରିପାରୁନାହାନ୍ତି । ଗତକାଲି ରାତି ଠାରୁ ବିଦ୍ୟୁତ ସରବାରହ ବନ୍ଦ ଥିବାରୁ ଲୋକମାନେ ନାହିଁନଥିବା ସମସ୍ୟାର ସମ୍ମୁଖୀନ ହେଉଛନ୍ତି । ସେହିପରି ରାଜରାସ୍ତାରେ ପାଣି ଜମି ଜଳବନ୍ଦୀ ପରିସ୍ଥିତି ଉପୁଜିଛି । ଜଳବନ୍ଦୀ ପରିସ୍ଥିତି ଯୋଗୁଁ ଗାଡି ଚଳାଚଳ ବାଧାପ୍ରାପ୍ତ ହୋଇଛି । ଜଳର୍ଣ୍ଣବ ସ୍ଥିତି ଯୋଗୁଁ ଦୁର୍ଘଟଣା ଆଶଙ୍କା ଥିବାରୁ ସହରରେ ଏନଡିଆରଏଫ ଟିମ ନିୟୋଜିତ ହୋଇଛନ୍ତି ।
