ମିଡ୍ ଟର୍ମ ଟେଷ୍ଟରେ ଫେଲ୍ ଟ୍ରମ୍ପ । ହାରିଲା ରିପବ୍ଲିକାନ୍ ପାର୍ଟି । ଆମେରିକାରେ ମଧ୍ୟବର୍ତ୍ତୀକାଳୀନ ନିର୍ବାଚନରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ବଡ଼ ଝଟକା ଲାଗିଛି । ଡେମୋକ୍ରାଟ୍ସ କଣ୍ଚ୍ରୋଲ୍ରେ ଆସିଛି ୟୁଏସ୍ କଂଗ୍ରେସ । ଆମେରିକା ମଡ୍ ଟର୍ମ ନିର୍ବାଚନରେ ଟ୍ରମ୍ପଙ୍କ ବଡ଼ ପରାଜୟ ହୋଇଛି । ଆମେରିକାର ମଧ୍ୟବର୍ତ୍ତୀକାଳୀନ ନିର୍ବାଚନରେ ରାଷ୍ଟ୍ରପତି ଟ୍ରମ୍ପଙ୍କ ରିପବ୍ଲିକାନ୍ ପାର୍ଟି ପରାସ୍ତ ହୋଇଛି । ବିରୋଧୀ ଡେମୋକ୍ରାଟିକ୍ ପାର୍ଟି ସିନେଟରେ ବହୁମତ ହାସଲ କରିଛି ଏବଂ ହାଉସ୍ ଅଫ୍ ରିପ୍ରେଜେଣ୍ଟେଟିଭରେ ମଧ୍ୟ ଏହାର ନେତୃତ୍ୱ ବଜାୟ ରଖିଛି ।
ହାଉସ୍ ଅଫ୍ ରିପ୍ରେଜେଣ୍ଟେଟିଭ୍ସର ୪୩୫ଟି ଆସନ ଏବଂ ସିନେଟ୍ ର ୧୦୦ଟି ଆସନ ମଧ୍ୟରୁ ୩୫ଟି ଆସନ ପାଇଁ ହୋଇଛି ମତଦାନ । ରିପବ୍ଲିକାନ୍ ପାର୍ଟିକୁ ହରାଇ ଡେମୋକ୍ରାଟିକ୍ ପାର୍ଟି ବିଜୟ ହାସଲ କରିଛି । ମୋଟ୍ ୧୦୦ ଆସନରୁ ଡେମୋକ୍ରାଟିକକୁ ୫୧ଟି ଆସନ ମିଳିଛି । ତେହେରାନ ଜାଗାରେ ଟେକ୍ସାସରେ ହୋଇଗଲା ରିଜିମ ଚେଞ୍ଜ । ହାତରୁ ସଂସଦର ୨ଟି ଗୃହ ଉପରକୁ ଟ୍ରମ୍ପଙ୍କ କଣ୍ଟ୍ରୋଲ୍ ଗଲା ।
ସଂସଦର ୨ଟି ଗୃହ ଉପରକୁ ଟ୍ରମ୍ପଙ୍କ କଣ୍ଟ୍ରୋଲ୍ ଗଲା । ଆମେରିକା ମିଡଟର୍ମ ନିର୍ବାଚନରେ ଟ୍ରମ୍ପ ଫେଲ୍ ହୋଇଛନ୍ତି । ଉଭୟ ଗୃହରେ ରିପବ୍ଲିକାନ୍ ସଂଖ୍ୟାଗରିଷ୍ଠତା ହରାଇଛି । ଗତ ୫୦ ବର୍ଷ ମଧ୍ୟରେ କେବଳ ଦୁଇଥର ସମାନ ନିର୍ବାଚନରେ ଦୁଇ ଗୃହ ମଧ୍ୟରେ ନିୟନ୍ତ୍ରଣ ପରିବର୍ତ୍ତନ ହୋଇଛି । ପ୍ରାୟ ୯ ମାସ ପୂର୍ବେ ଆମେରିକାର ରାଷ୍ଟ୍ରପତି ଇରାନର ରାଜଧାନୀ ତେହେରାନରେ ଶାସନ ପରିବର୍ତ୍ତନର ସ୍ୱପ୍ନ ଦେଖୁଥିଲେ ।
ସେହି ଇଚ୍ଛାରେ ଯୁଦ୍ଧ ଆରମ୍ଭ ହୋଇଥିଲା ଏବଂ ବର୍ତ୍ତମାନ ସେହି ଯୁଦ୍ଧ ଆମେରିକା ଭିତରେ ଡୋନାଲ୍ଡ ଟ୍ରମ୍ପଙ୍କୁ ଚୂର୍ଣ୍ଣ କରିଦେଇଛି । ମଧ୍ୟବର୍ତ୍ତୀ ନିର୍ବାଚନରେ ଖରାପ ପରାଜୟ ପରେ ଡୋନାଲ୍ଡ ଟ୍ରମ୍ପଙ୍କ ରିପବ୍ଲିକାନ୍ ପାର୍ଟି କଂଗ୍ରେସର ଉଭୟ ଗୃହ (ସଂସଦ) – ହାଉସ୍ ଅଫ୍ ରିପ୍ରେଜେଣ୍ଟେଟିଭ୍ ଏବଂ ସିନେଟ୍ ଉପରେ ନିୟନ୍ତ୍ରଣ ହରାଇଛି । ବିରୋଧୀ ଡେମୋକ୍ରାଟିକ୍ ପାର୍ଟି ଉଭୟ ଗୃହରେ ସଂଖ୍ୟାଗରିଷ୍ଠତା ହାସଲ କରିଛି ।
ଆମେରିକା ରାଜନୀତିରେ ପୁଣି ଚର୍ଚ୍ଚାରେ ଭାରତୀୟ ବଂଶୋଦ୍ଭବ ନେତା । ମିଡଟର୍ମ ନିର୍ବାଚନରେ ଅନେକ ଭାରତୀୟ-ଆମେରିକୀୟ ପ୍ରାର୍ଥୀ ନିଜ ନିଜ ଭାଗ୍ୟ ପରୀକ୍ଷା କରିଛନ୍ତି । ଆମେରିକାର ହାଉସ୍ ଅଫ୍ ରିପ୍ରେଜେଣ୍ଟେଟିଭ୍ସ ନିର୍ବାଚନରେ ବାଜି ମାରିଛନ୍ତି ଭାରତୀୟ ବଂଶୋଦ୍ଭବ ପିଆ ଦାଣ୍ଡିୟା । ଫ୍ଲୋରିଡାର ୨୨ତମ କଂଗ୍ରେସନାଲ ଡିଷ୍ଟ୍ରିକ୍ଟରୁ ବିଜୟୀ ହୋଇଛନ୍ତି ପିଆ ଦାଣ୍ଡିୟା ।
ମେରାଇନ୍ ଭେଟେରାନ୍ କେସି ଆସ୍କରଙ୍କୁ ପରାସ୍ତ କରିଛନ୍ତି । ନିର୍ବାଚନ ଫଳାଫଳ ଅନୁସାରେ ପିଆଙ୍କୁ ୫୧.୯ ପ୍ରତିଶତ ଭୋଟ୍ ମିଳିଛି । ପୂର୍ବରୁ ହାଇସ୍କୁଲ ପ୍ରିନ୍ସିପାଲ୍ ଭାବେ କାର୍ଯ୍ୟ କରିଥିବା ପିଆ ଏବେ ଆମେରିକାର ନୂଆ ଭାରତୀୟ-ଆମେରିକୀୟ ମହିଳା କଂଗ୍ରେସ ସଦସ୍ୟା ହୋଇଛନ୍ତି । ଅନ୍ୟପଟେ ଓହାୟୋରେ ଗଭର୍ଣ୍ଣର ପଦ ପାଇଁ ବିବେକ ରାମସ୍ୱାମୀଙ୍କ ଲଢ଼େଇ ରୋଚକ ମୋଡ଼ରେ ପହଞ୍ଚିଥିଲା କିନ୍ତୁ ସେ ପରାସ୍ତ ହୋଇଛନ୍ତି ।
