ସଂଚାର ବ୍ୟୁରୋ: ପୁରୀ ଜିଲ୍ଲା ନୂଆହାଟ ପାଣ୍ଡି ଅନ୍ତର୍ଗତ ଯୋଗେଶ୍ୱରପୁର ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା । ଏକ ବାଇକ ସହ କାର ଧକ୍କା ଦେବାରୁ ଦୁଇଜଣ ବାଇକ୍ ଆରୋହୀଙ୍କ ମୃତ୍ଯୁ ହୋଇଛି । ବ୍ରହ୍ମପୁରରୁ ନିଜ ପୁଅର ମାନସିକ ଚୁଟି ପକାଇବାକୁ କାରେ କାକଟପୁର ମଙ୍ଗଳା ମନ୍ଦିରକୁ ଆସିଥିଲେ ପରିବାର । କାମ ସାରି ଘରକୁ ଫେରୁଥିବା ବେଳେ ନୂଆହାଟ ଯୋଗେଶ୍ଵରପୁର ଆଳୁଦଣ୍ଡାପାଟଣା ନିକଟରେ ଏକ ବାଇକ ଦ୍ରୁତ ବେଗରେ ଆସି କାରକୁ ଧକ୍କା ଦେଇଥିଲା । ଫଳରେ ବାଇକ ଚାଳକ ସହ ବସିଥିବା ବ୍ୟକ୍ତି ଦୂରକୁ ଛିଟିକି ପଡ଼ିଥିଲେ । ସ୍ଥାନୀୟ ଲୋକେ ଉଦ୍ଧାର କରି ନିକଟସ୍ଥ ଚାରିଛକ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ।ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ । ମୃତକ ହେଲେ ଖୋର୍ଦ୍ଧା ଜିଲ୍ଲା ଗମ୍ଭାରିମୁଣ୍ଡା ପଞ୍ଚୁ ଗାଁର ସୌମ୍ଯ ପ୍ରଧାନ ଓ ଲକି ମହାପାତ୍ର । ନୟାହାଟ ଫାଣ୍ଡି ପୋଲିସ ବାଇକ ଓ କାରକୁ ଜବତ କରି ତଦନ୍ତ ଆରମ୍ଭ କରିଛି ।
