ସଂଚାର ବ୍ୟୁରୋ: ଦିଲ୍ଲୀର କରୋଲବାଗ ଅଞ୍ଚଳରେ ଭୁଶୁଡ଼ିଲା କୋଠା। ଏହାର ଭଗ୍ନାବଶେଷରେ ବହୁ ଲୋକ ଚାପି ହୋଇ ରହିଥିବାର ଆଶଙ୍କା କରାଯାଉଛି। ଏନଡିଆରଏଫ୍, ପୋଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟରେ ଲାଗିଛନ୍ତି। ବର୍ତ୍ତମାନ ସୁଦ୍ଧା ୮ ଜଣଙ୍କୁ ଉଦ୍ଧାର କରାଯାଇଛି। ଏହି ସୂଚନା ଦେଇଛନ୍ତି ଦିଲ୍ଲୀ ସେଣ୍ଟ୍ରାଲ ଡିସିପି ଏମ୍ ହର୍ଷବର୍ଦ୍ଧନ। କାହାରୀ ଜୀବନ ଯାଇଥିବାର ଏଯାଏ ଖବର ମିଳିନାହିଁ। ପୋଲିସ କହିଛି, ଉଦ୍ଧାର କାର୍ଯ୍ୟ ସରିବା ପରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ।
