ଏସିଆନ୍ ଗେମ୍ସ ଫାଇନାଲରେ ଟିମ୍ ଇଣ୍ଡିଆ । ଦ୍ବିତୀୟ ସେମିଫାଇନାଲରେ ଶ୍ରୀଲଙ୍କାକୁ ୧୨୪ ରନ୍ରେ ପରାସ୍ତ କରି ଫାଇନାଲରେ ନିଜ ସ୍ଥାନ ପକ୍କା କରିଛି । ତେବେ ଗୋଲ୍ଡ ମେଡାଲ ପାଇଁ ଭାରତ-ପାକିସ୍ତାନ ମଧ୍ୟରେ ମହାମୁକାବିଲା ଖେଳାଯିବ । ଅକ୍ଟୋବର ୩ ତାରିଖ ଶନିବାର ଦିନ ଭାରତ-ପାକିସ୍ତାନ ମଧ୍ୟରେ ଗୋଲ୍ଡ ମେଡାଲ୍ ମ୍ୟାଚ୍ ଖେଳାଯିବ। ଭାରତୀୟ ସମୟ ଅନୁସାରେ ମ୍ୟାଚ୍ଟି ସକାଳ ୧୦ଟାରୁ ଆରମ୍ଭ ହେବ।
ଈଶାନଙ୍କ ଧମାକାଦାର ବ୍ୟାଟିଂ
ଶ୍ରୀଲଙ୍କା ବିପକ୍ଷ ସେମିଫାଇନାଲ୍ରେ ଟସ୍ ଜିତି ଶ୍ରୀଲଙ୍କା ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରି ଭାରତ ୨୦ ଓଭରରେ ୭ ୱିକେଟ୍ ହରାଇ ୧୬୯ ରନ୍ କରିଥିଲା । ଭାରତୀୟ ଇନିଂସ୍ର ମୁଖ୍ୟ ଆକର୍ଷଣ ଥିଲେ ଈଶାନ କିଶନ । କଷ୍ଟକର ପିଚ୍ରେ ସେ ଦମଦାର ବ୍ୟାଟିଂ କରି ୪୬ ବଲ୍ରୁ ୪ଟି ଚୌକା ଓ ୫ଟି ଛକା ସହ ଅପରାଜିତ ୮୦ ରନ୍ କରିଥିଲେ । ତାଙ୍କ ଇନିଂସ୍ ଯୋଗୁଁ ଭାରତ ୧୬୦ ରନ୍ ପାର କରିବାରେ ସକ୍ଷମ ହୋଇଥିଲା ।
