ହାପି ବାର୍ଥ ଡେ ଗୁଗୁଲ୍ । ଆଜି Google ର ଜନ୍ମଦିନ । Google କୁ ପୁରିଲା ୨୭ ବର୍ଷ । ୨୭ ସେପ୍ଟେମ୍ବର, ୨୦୨୫ ରେ, ବିଶ୍ୱର ସର୍ବବୃହତ ସର୍ଚ୍ଚ ଇଞ୍ଜିନ୍ ଏକ ରଙ୍ଗୀନ ଗୁଗୁଲ୍ ଡୁଡଲ୍ ସହିତ ଏହାର ଜନ୍ମଦିନ ପାଳନ କରିଛି । ଏହି ଖାସ୍ ଡୁଡଲ୍ ଆମେରିକୀୟ ୟୁଜର୍ସଙ୍କ ସମେତ ବିଶ୍ୱର ଲକ୍ଷ ଲକ୍ଷ ଲୋକଙ୍କୁ ମନେ ପକାଇ ଦେଉଛି ଯେ କାଲିଫର୍ନିଆର ଏକ ଛୋଟ ଗ୍ୟାରେଜରୁ ଆରମ୍ଭ ହୋଇଥିବା ଏହି କମ୍ପାନୀ ଆଜି ଟେକ୍ନୋଲୋଜି କ୍ଷେତ୍ରରେ ସବୁଠାରୁ ପାୱାରଫୁଲ୍ କମ୍ପାନୀ ମଧ୍ୟରୁ ଗୋଟିଏ ହୋଇଛି ।
ଗୁଗୁଲର କାହାଣୀଟି ଏକ ଚଳଚ୍ଚିତ୍ର ସ୍ୱପ୍ନ ପରି ଲାଗୁଛି । ୧୯୯୮ ମସିହାରେ, ଷ୍ଟାନଫୋର୍ଡ ବିଶ୍ୱବିଦ୍ୟାଳୟର ଦୁଇଜଣ ଛାତ୍ର, ଲାରି ପେଜ୍ ଏବଂ ସେର୍ଗେ ବ୍ରିନ୍, ମେନଲୋ ପାର୍କର ଏକ ଗ୍ୟାରେଜରୁ ଗୁଗୁଲ୍ ଆରମ୍ଭ କରିଥିଲେ । ସେମାନଙ୍କର ଲକ୍ଷ୍ୟ ଥିଲା ‘ବିଶ୍ୱର ସୂଚନାକୁ ସଂଗଠିତ କରିବା ଏବଂ ଏହାକୁ ସମସ୍ତଙ୍କ ପାଇଁ ଉପଲବ୍ଧ କରିବା । ‘ଆଜି, ୨୭ ବର୍ଷ ପରେ, ଗୁଗୁଲ୍ କେବଳ ଏକ ସର୍ଚ୍ଚ ଇଞ୍ଜିନ୍ ନୁହେଁ, ବରଂ Gmail, YouTube, Google Maps, Android ଏବଂ Google AI ଭଳି ସର୍ଭିସର ଏକ ଗନ୍ତାଘର । ଯାହା ପ୍ରତ୍ୟେକ ବ୍ୟକ୍ତିଙ୍କ ଦୈନନ୍ଦିନ କାର୍ଯ୍ୟର ଏକ ଅବିଚ୍ଛେଦ୍ୟ ଅଂଶ ପାଲଟିଛି ।
ଗୁଗୁଲ୍ ବିଶେଷ ଅବସରଗୁଡ଼ିକୁ ପାଳନ କରିବା ପାଇଁ ଏହାର ହୋମପେଜ୍କୁ ଡୁଡଲ୍ରେ ସଜାଇବାର ଏକ ପରମ୍ପରା ରଖିଛି । ଏଥର, ଏହାର ୨୭ତମ ଜନ୍ମଦିନ ପାଇଁ, ଡୁଡଲ୍ଟି ଏକ ମଜାଦାର ଉପାୟରେ ସୃଷ୍ଟି କରାଯାଇଥିଲା । ଏଥିରେ ଗୁଗୁଲ୍ର ପ୍ରଥମ ଲୋଗୋ (୧୯୯୮ ମସିହାରୁ) ମଧ୍ୟ ଦେଖାଇଛି ଯାହା ଲୋକଙ୍କୁ ୯୦ ଦଶକର ସ୍ମୃତିକୁ ଫେରାଇ ଆଣିଛି ।
ଗୁଗୁଲ୍ ଏକ ବିବୃତ୍ତିରେ କହିଛି ଯେ, ‘ଏହି ଡୁଡୁଲ୍ ଆମର ୨୭ତମ ଜନ୍ମଦିନ ପାଳନ କରୁଛି’ । ଆମେ ଆମର ପ୍ରଥମ ଲୋଗୋ ଦେଖାଇ ସ୍ମୃତିକୁ ଫେରାଇ ଆଣୁଛୁ, ଏବଂ ଆପଣଙ୍କୁ ଆମର ନୂଆ AI ଇନୋଭେସନର ଏକ ଝଲକ ମଧ୍ୟ ଦେଉଛୁ । ଏଥିସହ ଆମେ ସମସ୍ତେ ଜାଣିଥାନ୍ତି ଯେ, ଗୁଗୁଲ୍ ଆମ ସମସ୍ତ କାମକୁ ଅତି ସହଜ ବା ସରଳ କରିଥାଏ ।
ଆପଣମାନେ ନିଶ୍ଚିତ ଭାବରେ ଜାଣିଥିବେ ଯେ, ୧୯୯୮ ମସିହାରେ ଲୋକମାନେ ଡାଏଲ-ଅପ୍ ଇଣ୍ଟରନେଟ୍ ଏବଂ ବଡ଼ କମ୍ପ୍ୟୁଟର ବ୍ୟବହାର କରୁଥିଲେ । ସେତେବେଳେ କେହି କଳ୍ପନା କରିନଥିଲେ ଯେ ଗୋଟିଏ ଦିନ ଏପରି ଦିନ ଆସିବ, ସନ୍ଧାନ ଏତେ ଫାଷ୍ଟ ଏବଂ ସହଜ ହୋଇଯିବ ଏବଂ ସମସ୍ତ ଇନଫରମେସନ୍ ମୋବାଇଲ୍ ଫୋନରେ ଗୋଟିଏ ମୁହୂର୍ତ୍ତରେ ଉପଲବ୍ଧ ହୋଇପାରିବ ।
ଗୁଗୁଲର ୨୭ତମ ଜନ୍ମଦିନ କେବଳ ଏହାର ଅତୀତର ଉତ୍ସବ ନୁହେଁ ବରଂ ଭବିଷ୍ୟତର ଏକ ଝଲକ ମଧ୍ୟ । ଆର୍ଟିଫିସିଆଲ୍ ଇଣ୍ଟେଲିଜେନ୍ସି, ସ୍ମାର୍ଟ ଡିଭାଇସ୍ ଏବଂ ନୂଆ ଟେକ୍ନୋଲୋଜୀ ସହିତ, ଗୁଗୁଲ ଆଗାମୀ ବର୍ଷଗୁଡ଼ିକରେ ଆହୁରି ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆଣିବାକୁ ପ୍ରସ୍ତୁତ ହେଉଛି । ଆଶା କରାଯାଉଛି ଯେ, ଏହାର ୩୦ତମ ଜନ୍ମଦିନ ସୁଦ୍ଧା, ଗୁଗୁଲ ଆହୁରି ସ୍ମାର୍ଟ ଏବଂ କ୍ରିଏଟିଭ୍ ଇନୋଭେସନ୍ ଉପସ୍ଥାପନ କରିପାରିବ ।
