ସଂଚାର ବ୍ୟୁରୋ: ସାର ନ ଦେବାରୁ ସହକାରୀ କୃଷି ଅଧିକାରୀଙ୍କୁ ତାଲା ପକାଇ ଦେଇଛନ୍ତି ବଲାଙ୍ଗୀର ଜିଲ୍ଲାର ସଇଁତଳା ଥାନା ଅନ୍ତର୍ଗତ ଗୁନସର ଗାଁର ଲୋକେ। ଗାଁକୁ ୨୦୦ ରୁ ଅଧିକ ପ୍ୟାକେଟ ୟୁରିଆ ଆସିଥିବା ସୂଚନା ମିଳିଥିଲା । କିନ୍ତୁ କାହାକୁ କୌଣସି ପ୍ୟାକେଟ ମିଳିନଥିଲା। ଏହି କାରଣରୁ, କ୍ରୋଧରେ ଗ୍ରାମବାସୀମାନେ ପ୍ରଥମେ ସହକାରୀ କୃଷି ଅଧିକାରୀ ସନ୍ଦୀପ ସୌରଭଙ୍କ ସହ କଥାବାର୍ତ୍ତା ହୋଇଥିଲେ, ହେଲେ କିଛି ସନ୍ତୋଷଜନକ ଉତ୍ତର ନ ପାଇବାରୁ ପରେ ତାଙ୍କୁ କୋଠରୀ ଭିତରେ ବନ୍ଦ କରି ଦେଇଥିଲେ। ଗ୍ରାମବାସୀମାନେ ସେମାନଙ୍କୁ ସାର ଦେବାକୁ ଦାବି କରୁଛନ୍ତି ନଚେତ୍ ସେମାନେ କବାଟ ଖୋଲିବେ ନାହିଁ ବୋଲି କହୁଛନ୍ତି। …
