ଟିମ୍ ଇଣ୍ଡିଆର କ୍ରିକେଟର ଆର୍. ଅଶ୍ବିନ IPLରୁ ଅବସର ନେଇଛନ୍ତି । ଭାରତୀୟ କ୍ରିକେଟ ଟିମର ପୂର୍ବତନ ସ୍ପିନର ଆର୍.ଅଶ୍ବିନ ଆଇପିଏଲରୁ ଅବସର ଘୋଷଣା କରିଛନ୍ତି । ସୋସିଆଲ ମିଡିଆରେ ପୋଷ୍ଟ କରି ଅବସର ଘୋଷଣା କରିଛନ୍ତି ।
ଅଶ୍ବିନ ଲେଖିଛନ୍ତି, ମୋ ପାଇଁ ଏହି ଦିନ ସ୍ବତନ୍ତ୍ର । ପ୍ରତ୍ୟେକ ଅନ୍ତର ଶୁଭ ଆରମ୍ଭ ଥାଏ । ଆଇପିଏଲ କ୍ରିକେଟର ଭାବେ ମୋ ସମୟ ଶେଷ ହୋଇଛି । କିନ୍ତୁ ବିଭିନ୍ନ ଲିଗ ଖେଳକୁ ଖେଳିବାକୁ ଚାହୁଁଚି । ସବୁ ଆଇପିଏଲ ଫ୍ରାଞ୍ଚାଇଜ ଏବଂ ଏବଂ BCCIକୁ ଧନ୍ୟବାଦ ଜଣାଉଛି ଅଶ୍ବିନ ।
୫ଟି ଆଇପିଏଲ ଫ୍ରାଞ୍ଚାଇଜ୍ ପାଇଁ ଖେଳିଛନ୍ତି ଅଶ୍ବିନ । ୨୦୦୯ରେ ଚେନ୍ନାଇ ସୁପରକିଙ୍ଗସ ପାଇଁ ଡେବ୍ୟୁ କରିଥିଲେ । ଏହାପରେ ଚେନ୍ନାଇ, ରାଜସ୍ଥାନ ରୟାଲ୍ସ, ଦିଲ୍ଳୀ କ୍ୟାପିଟାଲ୍ସ, ରାଇଜିଂ ପୁନେ ସୁପରିଜିଆଣ୍ଟ ଏବଂ ପଞ୍ଜାବ କିଙ୍ଗସ୍ ପାଇଁ ଖେଳିଛନ୍ତି । ଆଇପିଏଲରେ ୨୨୧ଟି ମ୍ୟାଚ ଖେଳିଥିବାବେଳେ ୧୮୭ଟି ୱିକେଟ ନେଇଛନ୍ତି । ୨୦୨୫ ଆଇପିଏଲରେ ଚେନ୍ନାଇ ପକ୍ଷରୁ ଖେଳିଥିଲେ ଆର ଅଶ୍ବିନ । ବିଶ୍ବବ୍ୟାପୀ ଅନ୍ୟ ଟି-୨୦ ଲିଗ ଉପରେ ତାଙ୍କର ନଜର ଥିବା ସେ ସଂକେତ ଦେଇଛନ୍ତି । ତେବେ ଅଶ୍ବିନ ୨୦୨୪ରେ ଅର୍ନ୍ତଜାତୀୟ କ୍ରିକେଟରୁ ଅବସର ନେଇଥିଲେ ।
