ସଂଚାର ବ୍ୟୁରୋ: ଭିଜିଲାନ୍ସ ଜାଲରେ ପାରଳାଖେମୁଣ୍ଡି କ୍ଷୁଦ୍ର ଜଳସେଚନ ବିଭାଗର ଆକାଉଣ୍ଟାଣ୍ଟ । ୩୦ ହଜାର ଟଙ୍କା ଲାଞ୍ଚ ନେବା ବେଳେ ନରେଶ ପଟ୍ଟନାୟକଙ୍କୁ ମାଡ଼ି ବସିଲା ଭିଜିଲାନ୍ସ ଟିମ୍ । ଅନ୍ୟ ଜଣେ କର୍ମଚାରୀ ମଧ୍ୟ ଭିଜିଲାନ୍ସ ଟିମ ହାତରେ ଧରା ପଡିଛନ୍ତି । ବିଲ୍ ପାସ କରିବା ପାଇଁ ଉଭୟଙ୍କୁ ୧୫ ହଜାର ଲେଖାଏଁ ଲାଞ୍ଚ ମାଗିଥିଲେ ଅଧିକାରୀ ଦୁହେଁ । ଫୋନ ମାଧ୍ୟମରେ ଟଙ୍କା ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍ । ଆୟ ବହିର୍ଭୂତ ସମ୍ପତ୍ତି ଠୁଳ ନେଇ ପାରଳାଖେମୁଣ୍ଡି ଆକାଉଣ୍ଟାଣ୍ଟ ନରେଶ ପଟ୍ଟନାୟକଙ୍କ ସରକାରୀ ବାସଭବନରେ ଏକ ଟିମ ଚଢ଼ାଉ ଜାରି ରଖିଥିବା ବେଳେ ଛେଳି ଗଡ଼ ଠାରେ ଅନ୍ୟ ଏକ ଟିମ ସୁରଜ ପ୍ରସାଦ ଜସ୍ଵାଲ ଘରେ ଚଢ଼ାଉ ଜାରି ରଖିଛି । ଚଢ଼ାଉରେ ବ୍ରହ୍ମପୁର ଭିଜିଲାନ୍ସ କାର୍ଯ୍ୟାଳୟର ୭ ଜଣିଆ ଟିମ ନିୟୋଜିତ ଅଛନ୍ତି । ଉଭୟଙ୍କ ବିଭିନ୍ନ ସମ୍ପତ୍ତିର ଆକଳନ କରୁଛି ଭିଜିଲାନ୍ସ ଟିମ।
