ସଂଚାର ବ୍ୟୁରୋ: ପ୍ରଧାନମନ୍ତ୍ରୀଙ୍କୁ ଭେଟିଲେ ବାୟୁ ସେନା ମୁଖ୍ୟ । ମୋଦିଙ୍କ ବାସଭବନରେ ତାଙ୍କୁ ଭେଟିଛନ୍ତି ଏୟାର ଚିଫ୍ ମାର୍ଶଲ ଅମରପ୍ରୀତ ସିଂହ। ଉଭୟଙ୍କ ମଧ୍ୟରେ ପହଲଗାଁଓ ପରବର୍ତ୍ତୀ ସ୍ଥିତି ନେଇ ଆଲୋଚନା ହୋଇଥିବାର ସୂଚନା ମିଳିଛି। ଗତକାଲି ନୌସେନା ମୁଖ୍ୟ ମଧ୍ୟ ପ୍ରଧାନମନ୍ତ୍ରୀଙ୍କୁ ଭେଟିଥିଲେ। ପହଲଗାଁଓ ଆକ୍ରମଣ ପରେ ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ଲାଗି ରହିଥିବା ବେଳେ ଗତକାଲି ନୌସେନା ମୁଖ୍ୟ ଓ ଆଜି ବାୟୁସେନା ମୁଖ୍ୟ ମୋଦିଙ୍କୁ ଭେଟିବା ପରେ ନାନା ଚର୍ଚ୍ଚା ହେଉଛି। ଆଗରୁ ମୋଦିଙ୍କୁ ଅନେକ ଥର ଭେଟିଛନ୍ତି ତିନି ସେନାର ଚିଫ୍ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମଧ୍ୟ ଅନେକ ଥର ଆଲୋଚନା କରିଛନ୍ତି।
