ସଂଚାର ବ୍ୟୁରୋ: ଭୁବନେଶ୍ୱର ବିଜୁ ପଟ୍ଟନାୟକ ବିମାନ ବନ୍ଦରରେ ଓଡ଼ିଶା କଂଗ୍ରେସ ପ୍ରଭାରୀ ଅଜୟ କୁମାର ଲାଲୁଙ୍କୁ ଭବ୍ୟ ସ୍ୱାଗତ । କଂଗ୍ରେସ ବିରୋଧୀ ଦଳ ନେତା ରାମଚନ୍ଦ୍ର କାଡ଼ାମ ଓ କଂଗ୍ରେସ ଯୁବ ନେତା ପ୍ରଦୀପ୍ତ ଦାଶଙ୍କ ନେତୃତ୍ୱରେ ବହୁ କଂଗ୍ରେସ ନେତା ଓ କର୍ମୀ ସ୍ୱାଗତ ଜଣାଇଥିଲେ । ରାଜ୍ୟ କଂଗ୍ରେସ ପ୍ରଭାରୀ ଅଜୟ କୁମାର ଲାଲୁ ବିମାନ ବନ୍ଦର ପହଞ୍ଚିବା ପରେ ରାଜ୍ୟ ବିଜେପି ସରକାର ଉପରେ ବର୍ଷିଥିଲେ । ବିଜେପି ସରକାର ସମୟରେ ନାରୀ ଦୁଷ୍କର୍ମ, ମହିଳାଙ୍କ ପ୍ରତି ଅତ୍ୟାଚାର, ଆଦିବାସୀଙ୍କ ଜଙ୍ଗଲ ଜମିରେ ଅବିଚାର, ମିଛ କେଶରେ କଂଗ୍ରେସ କର୍ମୀଙ୍କୁ ଜେଲରେ ପୁରାଇବା, ନ୍ୟାସନାଲ ହେରାଲ୍ଡ ମାମଲାରେ କଂଗ୍ରେସ ନେତା ରାହୁଲ ଗାନ୍ଧୀ ଓ ସୋନିଆ ଗାନ୍ଧୀଙ୍କୁ ମିଛ ମାମଲାରେ ଫସାଇବା, ରାଜ୍ୟରେ ବ୍ୟାପକ ଖଣି ଲୁଟ ଘଟଣାର ସେ ତଦନ୍ତ ଦାବି କରିଛନ୍ତି । ଆସନ୍ତାକାଲି ଝାରପଡ଼ା ଜେଲରେ ମିଛ ମାମଲାରେ ଫସାଇଥିବା କଂଗ୍ରେସ କର୍ମୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ବର୍ତ୍ତମାନର ସରକାର ଦୁର୍ନୀତି, ଭ୍ରଷ୍ଟାଚାର ବିରୁଦ୍ଧରେ ଶ୍ୱର ଉତ୍ତୋଳନ ପାଇଁ ଆଗାମୀ ଦିନରେ କଂଗ୍ରେସ ଲଢେଢ଼େଇ ଜାରି ରହିଖିବ ବୋଲି କହିଛନ୍ତି କଂଗ୍ରେସ ପ୍ରଭାରୀ ଅଜୟ କୁମାର ଲାଲୁ…
