ସଂଚାର ବ୍ୟୁରୋ: ଭୁବନେଶ୍ବରରେ ବିଭିନ୍ନ ଉତ୍ସରୁ ରାଜସ୍ବ ଆଦାୟ କଲା ବିଏମସି । ୨୫୦ କୋଟିର ଟଙ୍କାର ରାଜସ୍ବ ଆଦାୟ ନେଇ ଟାର୍ଗେଟ ଥିବା ବେଳେ ମାର୍ଚ୍ଚ ୩୧ ଶୁଦ୍ଧା ୨ଶହ କୋଟି ଟଙ୍କା ଆଦାୟ ହୋଇଛି । ଗୃହ ବା ହୋଲ୍ଡିଂ ଟ୍ୟାକ୍ସ କଲେକ୍ସନରେ ରେକର୍ଡ କଲା ବିଏମସି । ଗତବର୍ଷ ୭୦ କୋଟି ଆଦାୟ କରିଥିବା ବେଳେ ଚଳିତ ବର୍ଷ ୧୩୦ କୋଟି ଟଙ୍କା ଆଦାୟ ନେଇ ଲକ୍ଷ୍ୟ ରଖିଛି ବିଏମସି । ଚଳିତବର୍ଷ ଗୃହ ବା ହୋଲ୍ଡିଂ ଟ୍ୟାକ୍ସ ଆଦାୟ ୧୩୦ କୋଟି ଟଙ୍କା ଆଦାୟ ହେବ ବୋଲି ଅନୁମାନ କରିଛି ବିଏମସି । ରାଜସ୍ବ ଟଙ୍କାରେ ବିଏମସିର ସମସ୍ତ ୱାର୍ଡର ଡ୍ରେନେଜ, ସାନିଟେସନ, ଏବିସି କାର୍ଯ୍ଯକ୍ରମ ସହିତ ଏକାଧିକ ବିକାଶ ମୂଳକ କାର୍ଯ୍ଯକ୍ରମରେ ଖର୍ଚ୍ଚ ହୁଏ । କେବଳ ବେସକାରୀ ନୁହେଁ ଅନେକ ସରକାରୀ ସଂସ୍ଥା ମଧ୍ଯ ହୋଲ୍ଡିଂ ଟ୍ଯାକ୍ସ ଦେଇ ନାହାନ୍ତି । ଇଡକୋ ୫୭ କୋଟି ଟଙ୍କାର ଗୃହ ଟ୍ଯାକ୍ସ ଦେଇନି । ଏ ନେଇ ଅର୍ଥ ସଚିବ ଓ ବିଏମସି କମିଶନରଙ୍କ ମଧ୍ଯରେ ଆଲୋଚନା ହୋଇଛି । ହୋଲ୍ଡିଂ ଟ୍ୟାକ୍ସ ବାଦ ଟ୍ରେଡ ଲାଇସେନ୍ସ, ବିଜ୍ଞାପନ, ରେଣ୍ଟ, ୟୁଜର ଫି, ପାର୍କିଂ ଫି, ଫିକ୍ସ ଡିପୋଜିଟର ଶୁଧ, ଏଡବ୍ଳୁଏମ ୟୁଜର ଫି ଓ ଅନ୍ଯାନ୍ଯ ବାବାଦ ରାଜସ୍ବକୁ ମୋଟ ୨ଶହ କୋଟି ଟଙ୍କା ଆଦାୟ ହୋଇଛି । ଏକାଧିକ ସଂସ୍ଥା କିଛିକାଂଶରେ ବକେୟା ପାଉଣା ପୈଠ କରିଥିବା ବେଳେ ଆଗକୁ ଆଉ ବାକି ଟଙ୍କା ଦେବାକୁ ପ୍ରତିଶୃତି ଦେଇଛନ୍ତି । ୬୭ଟି ୱାର୍ଡରେ ୩୦ ଜଣ ଟ୍ଯାକ୍ସ କଲେକ୍ଟର ଅଛନ୍ତି । ସମୟ ଭିତରେ ଏହାର ଭରଣା ହୋଇପାରିଲେ ସାମଗ୍ରିକ ବିକାଶ ସମ୍ଭବ ହୋଇପାରିବ ବୋଲି କହିଛି ବିଏମସି । ପୂର୍ବରୁ ହୋଲ୍ଡିଂ ଟ୍ଯାକ୍ସ ଏକାଧିକ ସଂସ୍ଥାକୁ ଖିଲାପ ନେଇ ନୋଟିସ ଜାରି କରାଯାଇଥିଲା ।
