ସଂଚାର ବ୍ୟୁରୋ: ଆଜିଠୁ ରମଜାନ୍ । ଦୀର୍ଘ ଏକ ମାସ ଧରି ରାମଜାନ ପାଳିବେ ମୁସଲିମ୍ ଧର୍ମାବଲମ୍ବୀ । ଗତକାଲି ରାତିରୁ ତରାବୀ ପାଠ ସହ ରମଜାନ ମାସ ଆରମ୍ଭ ହୋଇଛି। ଏହି ମାସ ସାରା ମୁସଲିମ୍ ଭାଇ ଭଉଣୀମାନେ ଦିନ ତମାମ ଉପବାସ ରହି ପାଳନ କରନ୍ତି । ଏହାକୁ ରୋଜା କୁହାଯାଏ । ଉପବାସ କରୁଥିବା ଲୋକମାନେ ଏକ ମାସ ଧରି ସୂର୍ଯ୍ୟୋଦୟ ଠାରୁ ସୂର୍ଯ୍ୟାସ୍ତ ପର୍ଯ୍ୟନ୍ତ ଉପବାସ ପାଳନ କରନ୍ତି। ଏହି ସମୟରେ ବିଭିନ୍ନ ମସଜିଦ ଗୁଡିକରେ ଏକାଠି ହୋଇ ସମୂହ ନମାଜ ପାଠ କରନ୍ତି ମୁସଲିମ୍ ଭାଇ ଭଉଣୀ । ବ୍ରତ ଶେଷରେ ସନ୍ଧ୍ୟା ବେଳେ ଇଫତାର ପାଳନ କରାଯାଏ ।
ଇସଲାମିକ ବିଶ୍ୱାସ ଅନୁଯାୟୀ, କୁହାଯାଏ ଯେ ରମଜାନ ମାସରେ ଉପବାସ କରିବା କେବଳ ଭୋକିଲା ଏବଂ ଶୋଷିଲା ରହିବା ନୁହେଁ ବରଂ ଏହାର ଅର୍ଥ ହେଉଛି ତୁମର ବିଶ୍ୱାସ ବଜାୟ ରଖିବା । ମନକୁ ଆସୁଥିବା ଖରାପ ଚିନ୍ତାଧାରାକୁ ତ୍ୟାଗ କରିବା ଏହି ଉପବାସର ଅର୍ଥ ହେଉଛି ପାପ କାମଠାରୁ ଦୂରେଇ ରହିବା ।
ତେଣୁ ରମଜାନରେ ଉପବାସ କରୁଥିବା ବ୍ୟକ୍ତିଙ୍କୁ ନିଜର ବିଶ୍ୱାସକୁ ପ୍ରାଧାନ୍ୟ ଦେବାକୁ ପଡ଼ିବ । ଏହି ସମୟରେ, ଉପବାସ କରୁଥିବା ବ୍ୟକ୍ତି କାହା ବିଷୟରେ ଖରାପ କଥା କହିବା ଉଚିତ୍ ନୁହେଁ । ଏହି ସମୟ ମଧ୍ୟରେ ଉପବାସ କରୁଥିବା ବ୍ୟକ୍ତି ମିଛ କହିବା ଉଚିତ୍ ନୁହେଁ କିମ୍ବା ମିଥ୍ୟା ପ୍ରତିଶୃତି ମଧ୍ୟ ଦେବା ଉଚିତ୍ ନୁହେଁ ବୋଲି ବିଶ୍ଵାସ କରାଯାଏ ।
