ମେଷ : ହସି କଥାକହି କାର୍ଯ୍ୟ ହାସଲ କରିବେ । ଅଫିସରେ ଉଚ୍ଚ କର୍ତ୍ତୃପକ୍ଷ ସହଯୋଗର ପ୍ରତିଶ୍ରୁତି ଦେବେ । ନୂତନ ଯୋଜନାରେ ଶିଥିଳତା ଦେଖାଦେବାରୁ ମାନ ଭଲ ରହି ନ ପାରେ । ଆନୁଷ୍ଠାନିକ କାମରେ ବିଭିନ୍ନ ଦିଗରୁ ସହଯୋଗ ଓ ସୁଖ ସମ୍ମାନ ପାଇ ଖୁସି ହେବେ ।
ବୃଷ : ପାରିବାରିକ ଜୀବନରେ ସୌହାର୍ଦ୍ଦ୍ୟତା, କାର୍ଯ୍ୟକ୍ଷେତ୍ର ପ୍ରତି ଉତ୍ସାହ ସୃଷ୍ଟି ହେବ । ସକାଳ ସମୟ ଯାତ୍ରା, ବ୍ୟବସାୟ ଓ ବନ୍ଧୁ ମିଳନ ପାଇଁ ବହୁତ ଭଲ । ସମ୍ପତ୍ତିକୁ କେନ୍ଦ୍ର କରି କଳହ ସୃଷ୍ଟି ସମ୍ଭାବନା ରହିଛି । କ୍ରନିକ୍ ରୋଗୀ ବିଶେଷତଃ ଗ୍ୟାଷ୍ଟ୍ରିକ୍ ରୋଗୀଙ୍କ ସକାଶେ ସମୟ ଅନୁକୂଳ ନୁହେଁ ।
ମିଥୁନ : ଆଜି ଆପଣଙ୍କ ପାଇଁ ଦିନଟି ବହୁତ ଭଲ ହେବାକୁ ଯାଉଛି । କିନ୍ତୁ ଯାହା କରିବା ପାଇଁ ଭାବୁଥିବେ, ନିର୍ଦ୍ଦିଷ୍ଟ ସମୟର କିଛି ପୂର୍ବରୁ ଅଟକି ରହିଯିବେ । ତଥାପି ଆପଣ କୌଣସି କ୍ଷେତ୍ରରେ ତରବରିଆ ପଦକ୍ଷେପ ନେଲେ ଅସୁବିଧାରେ ପଡ଼ିବେ । ମାଲିମକଦ୍ଦମା କ୍ଷେତ୍ରରେ ସମସ୍ୟାର ସରଳ ସମାଧାନ ଆଶା କ୍ଷୀଣ ହୋଇପାରେ ।
କର୍କଟ : ଆଜି ଆପଣ ସଠିକ୍ ନିଷ୍ପତ୍ତି ନେଇ କର୍ମକ୍ଷେତ୍ରରେ ଉଚ୍ଚ ପ୍ରଶଂସିତ ହେବେ । କିନ୍ତୁ ଅନ୍ୟମନସ୍କ ହେତୁକ କୌଣସି ଭୁଲ୍ କାମ କରି ଅନୁତପ୍ତ ହେବାକୁ ପଡ଼ିପାରେ । ପାରିବାରିକ କ୍ଷେତ୍ରରେ ବ୍ୟତିକ୍ରମ ରହିଥିଲେ ମଧ୍ୟ ବିଶେଷ ଅସୁବିଧା ହେବନାହିଁ । ଦୂରଯାତ୍ରା, ପରିବହନ ଓ ବାଣିଜ୍ୟ, ବ୍ୟବସାୟ ପାଇଁ ଦିନଟି ମନ୍ଦ ନୁହେଁ ।
ସିଂହ : କର୍ମକ୍ଷେତ୍ରରେ ବିଶିଷ୍ଟ ବ୍ୟକ୍ତିଙ୍କ ସାନ୍ନିଧ୍ୟ ଲାଭ ସମ୍ଭାବନା ରହିଛି । ବିଶେଷ ଆବଶ୍ୟକତା କାରଣରୁ ଗାଡ଼ି ମୋଟର କିମ୍ବା ମୂଲ୍ୟବାନ୍ ଜିନିଷ କିଣିପାରନ୍ତି । ମନୋରଞ୍ଜନ, କ୍ରୀଡ଼ା, ସଙ୍ଗୀତ ଓ ଚଳଚ୍ଚିତ୍ର ପାଇଁ ଦିନଟି ବହୁତ ଭଲ । ପାରିବାରିକ କ୍ଷେତ୍ରରେ ଲାଗି ରହିଥିବା ସମସ୍ୟା ବନ୍ଧୁଙ୍କ ହସ୍ତକ୍ଷେପ ଫଳରେ ସମାଧାନ ହୋଇଯିବ ।
କନ୍ୟା : ନିଜ ଲୋକଙ୍କଠାରୁ ସହଯୋଗର ଅଭାବ କାର୍ଯ୍ୟ ହାସଲରେ ସମସ୍ୟା ସୃଷ୍ଟି କରିବ । ଖୋଜୁଥିବା ବନ୍ଧୁଟିକୁ ପାଖରେ ପାଇ ଖୁସି ହୋଇଯିବେ । ଶିକ୍ଷା, ପରୀକ୍ଷାଦି ସନ୍ତୋଷଜନକ ନ ହେଲେ ମଧ୍ୟ ବିଶେଷ କିଛି ଖରାପ ହେବନାହିଁ । ସବୁ ସମୟରେ ମିଶୁଥିବା ବନ୍ଧୁଟିର ପରାମର୍ଶରେ ଧର୍ମକାର୍ଯ୍ୟ କରିବା ସକାଶେ ମନ ବଳାଇବେ ।
ତୁଳା : ବିଭିନ୍ନ ସମସ୍ୟା ଏବଂ ପ୍ରତିରୋଧ କାରଣରୁ କେତେକ ଅପୂରଣୀୟ ଅଭିଳାଷ ସକାଶେ ମନ ଉଦ୍ବେଗ ରହିବ । ନିଜ ଲୋକଙ୍କ କାର୍ଯ୍ୟକଳାପ ଅସନ୍ତୋଷଜନକ ରହିବା ହେତୁ ଦୁଃଖ ପ୍ରକାଶ କରିବେ । ପଡୋଶୀଙ୍କ ପରାମର୍ଶ ଆଶା ସଂଚାର କରିବ । ବ୍ୟବସାୟ, ଯାତ୍ରା, ଆନୁଷ୍ଠାନିକ କାମ ଏବଂ ବିବାଦୀୟ ଘଟଣାର ସମାଧାନରେ ସଫଳତା ମିଳିବ ।
ବିଛା : କର୍ମକ୍ଷେତ୍ରରେ ସହଯୋଗ ଲାଭ କରି ଅଟକିଥିବା କାମ ପୂର୍ଣ୍ଣାଙ୍ଗ କରିବେ । ଆନୁଷ୍ଠାନିକ କ୍ଷେତ୍ରରେ ବନ୍ଧୁଙ୍କ ସହ ଉଚ୍ଚବାଚ ଘଟିପାରେ । ପରିସ୍ଥିତିରେ ପଡ଼ି ଘର ସାଜସଜ୍ଜାରେ କିମ୍ବା ମରାମତିରେ ବ୍ୟସ୍ତ ରହିପାରନ୍ତି । ବ୍ୟବସାୟିକ ସ୍ଥିତି ସୁଦୃଢ଼ ରହିବ ଓ ନିର୍ମାଣ, ସାମ୍ବାଦିକତା, ପ୍ରକାଶନ ଓ ପ୍ରଶାସନ କ୍ଷେତ୍ର ମନ୍ଦ ହେବନି ।
ଧନୁ : ଜମିଜମା କାରବାରରୁ ଲାଭବାନ୍ କରାଇବ । ମାଙ୍ଗଳିକ କାର୍ଯ୍ୟର ଆଲୋଚନାରୁ ପରିବାର ଭିତରେ ହସଖୁସିର ବାତାବରଣଜନିତ ମନ ପ୍ରଫୁଲ୍ଲ ରହିବ । ରୋଗପୀଡ଼ା ଲାଗି ରହୁଥିବାରୁ ସ୍ବାସ୍ଥ୍ୟ ପ୍ରତି ଅବହେଳା କଲେ ଅନୁତପ୍ତ ହେବେ । ବନ୍ଧୁ ସମ୍ପର୍କ, ସାହିତ୍ୟ ଚର୍ଚ୍ଚା, କଳା, କାରିଗରି ଦିଗରୁ ମନଲାଖି ସୁଫଳ ପାଇବେ ।
ମକର : କର୍ମକ୍ଷେତ୍ରରେ ସମସ୍ୟା ଆସିଲେ ମଧ୍ୟ ସମାଧାନ ହୋଇଯିବ । ବ୍ୟବସାୟିକ କାରବାର ବୃଦ୍ଧି ପାଇବା କାରଣରୁ ଆର୍ଥିକ ସ୍ବଚ୍ଛଳତା ଫେରି ପାଇବେ । ଶୁଭ ପ୍ରଭାବରୁ ଆକସ୍ମିକ ଭାବେ ଉଚ୍ଚବର୍ଗଙ୍କ ସହାୟତା ପାଇବେ । ସ୍ତ୍ରୀ ଓ ପିଲାଛୁଆଙ୍କ ସ୍ବାସ୍ଥ୍ୟ ହାନି ହେତୁ ଅଧିକାଂଶ ସମୟ ଚିନ୍ତା କରିପାରନ୍ତି ।
କୁମ୍ଭ : ପଦାଧିକାରୀ କିମ୍ବା ବୟସ୍କବ୍ୟକ୍ତି ସହ କଳହର କାରଣ ହୋଇପାରେ । ସାଧାରଣ କଥାକୁ କେନ୍ଦ୍ରକରି ଗୃହରେ କଳହ ସୃଷ୍ଟି ହୋଇପାରେ । ରୋଗ,ଋଣ ଓ ଶତ୍ରୁତା ଆଜିର ଦୁଃଚିନ୍ତାର ମୁଖ୍ୟ କାରଣ ହେବ । ସ୍ଥଗିତ କାମକୁ ପୂରା ଦମରେ କରିବାପାଇଁ ନିଷ୍ପତ୍ତି ନେବେ ।
ମୀନ : ଆଜିର ସ୍ଥିତି ସନ୍ତାନଙ୍କ ସ୍ବାସ୍ଥ୍ୟହାନି କିମ୍ବା ବିଫଳ ଆଲୋଚନାର କାରଣ ହେବ । ସାମାଜିକ ସ୍ତରରେ ଦକ୍ଷତାଭିତ୍ତିକ ଲୋକସମ୍ପର୍କ ବୃଦ୍ଧି ପାଇବ, କିନ୍ତୁ ଈର୍ଷା ପରାୟଣ ବ୍ୟକ୍ତିଙ୍କ ଦ୍ୱାରା ଟେନ୍ସନ ବଢ଼ିଯିବ । ବିଭିନ୍ନ ସୂତ୍ରରୁ ରୋଜଗାର କାରଣରୁ ଆର୍ଥିକ ସ୍ଥିତି ଭଲ ରହିବ । ବନ୍ଧୁଙ୍କଠାରୁ ହଠାତ୍ କୌଣସି ଖବର ପାଇ ଖୁସି ହୋଇପାରନ୍ତି ।
