ସଂଚାର ବ୍ୟୁରୋ: ପ୍ରବଳ ବରଫପାତରେ ଫସିଲେ ପର୍ଯ୍ୟଟକ। ଜାମ୍ମୁ କାଶ୍ମୀର ଗୁଲମର୍ଗ ଅଂଚଳରେ ପ୍ରବଳ ବରଫ ପାତରୁ ଫସିଛନ୍ତି ପର୍ଯ୍ୟଟକ। ସଂଗଲଦାନା-ବାରାମୁଲା ରୁଟରେ ଟ୍ରେନ ସେବା ବାଧାପ୍ରାପ୍ତ ହୋଇଛି। ବିଭିନ୍ନ ସ୍ଥାନରୁ ୬୮ ଜଣ ପର୍ଯ୍ୟଟକଙ୍କୁ ଉଦ୍ଧାର କରିଛନ୍ତି ସେନାବାହିନୀ। ପ୍ରବଳ ବରଫପାତ ଯୋଗୁଁ ଉଦ୍ଧାରକାର୍ଯ୍ୟ ଜାରି ରହିଛି। ପୋଲିସ ଓ ବିଆରଓ ପକ୍ଷରୁ ସ୍ଵତନ୍ତ୍ର ଟିମ ବରଫ ହଟାଇବା କାମରେ ନିୟୋଜିତ ହୋଇଛନ୍ତି। ଜାମ୍ମୁ-କାଶ୍ମୀର ରାଜପଥକୁ ବନ୍ଦ କରିଦିଆଯାଇଛି। ବରଫପାତ ଯୋଗୁଁ ବିମାନ ସେବା ଓ ଟ୍ରେନ ସେବା ବାଧାପ୍ରାପ୍ତ ହୋଇଛି। ଦକ୍ଷିଣ କାଶ୍ମୀରରେ ପ୍ରବଳ ବରଫପାତ ହୋଇଛି। ସେପଟେ ଉତ୍ତର କାଶ୍ମୀରରେ ହାଲୁକା ବରଫପାତ ହୋଇଥିବା ଜଣାପଡିଛି। ଗାନ୍ଦରବଲରେ ୭ ଇଂଚ ବରଫପାତ ରେକର୍ଡ ହୋଇଛି। ସୋନମର୍ଗରେ ୮ ଇଂଚ ବରଫପାତ ରେକର୍ଡ ହୋଇଛି। ହିମାଚଳରେ ମଧ୍ୟ ଫସିଛନ୍ତି ପର୍ଯ୍ୟଟକ। ପ୍ରବଳ ବରଫପାତରୁ ପର୍ଯ୍ୟଟକଙ୍କୁ ସତର୍କ ରହିବାକୁ ସୂଚନା ଜାରି କରିଛି ପୋଲିସ।
