ସଂଚାର ବ୍ୟୁରୋ: ନିଶାରେ ଚୁର୍ ମାଷ୍ଟର, କାନରେ ପଡ଼ୁନି ପିଲାଙ୍କ ଚିତ୍କାର । ସାର ଏମିତି ନିଶାରେ ଅଛନ୍ତି କି, ଯିଏ ଯେତେ ଡାକିଲେ ମଧ୍ୟ ଉଠୁନାହାନ୍ତି । ସାରଙ୍କ ଦେହରେ ହାତ ମାରି ମାରି ପିଲା ବି ହାଲିô ହୋଇଗଲେଣି କିନ୍ତୁ ସାର ପୁରା ଅଲଗା ଦୁନିଆରେ । ଏବେ ସୋସିଆଲ ମିଡିଆରେ ଏମିତି ଏକ ଭିଡିଓ ବେଶ ଭାଇରାଲ ହେବାରେ ଲାଗିଛି । ଯାହାକି ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ସୁରପ୍ରତାପପୁର ପଞ୍ଚାୟତରେ ଥିବା ନୂଆଟିପିଲେଇ ସରକାରୀ ପ୍ରାଥମିକ ବିଦ୍ୟାଳୟର ବୋଲି ଜଣା ପଡ଼ିଛି । ଏଠାକାର ଭାରପ୍ରାସ୍ତ ପ୍ରଧାନ ଶିକ୍ଷକ ସକାଳୁ ସ୍କୁଲ ଆସିଛନ୍ତି । ଆଉ ସ୍କୁଲକୁ ଆସି କ୍ଲାସ୍ରୁମ୍ରେ ଶୋଇପଡ଼ିଛନ୍ତି । ସେଇଠି ପିଲାମାନେ ବି ଅଛନ୍ତି । ସାର ଚଉକିରେ ବସି ବସି ଶୋଇପଡ଼ିଛନ୍ତି । ଆଉ ସାରଙ୍କୁ ଏତେ ମାତ୍ରାରେ ନିଦ୍ରାଦେବୀ ଗ୍ରାସ କରିଛନ୍ତି ଯେ, ଯେତେ ପେଲିଲେ ଠେଲିଲେ ଦୋହଲେଇଲେ ବି ସାରଙ୍କ ନିଦ ଭାଙ୍ଗୁନି ।
ତେବେ ସବୁଠାରୁ ବଡ଼ କଥା ହେଲା, ଏହି ସ୍କୁଲ ପାଇଁ ମାତ୍ର ଜଣେ ହିଁ ଶିକ୍ଷକ । ଆଉ ସେ ହେଉଛନ୍ତି ସେଇ ଭାରପ୍ରାପ୍ତ ପ୍ରଧାନ ଶିକ୍ଷକ । ଯାହାଙ୍କ ନାଁ ରବୀନ୍ଦ୍ରନାଥ ମୁର୍ମୁ । ସ୍ଥାନୀୟ ଲୋକଙ୍କ କହିବା କଥା ସ୍କୁଲକୁ ଭାରପ୍ରାପ୍ତ ପ୍ରଧାନଶିକ୍ଷକ ଖୋଲା ମଦ ଦୋକାନ କରିଦେଇଛନ୍ତି । ଯାହାକୁ ଖୋଦ୍ ସେହି ବିଦ୍ୟାଳୟର ଛାତ୍ରଛାତ୍ରୀ ମାନେ ଧରିଛନ୍ତି ।
ତେବେ ଏନେଇ ଛାତ୍ରଛାତ୍ରୀ ମାନେ ଗ୍ରାମବାସୀଙ୍କୁ ଖବର ଦେଇଥିଲେ କ୍ଷ ବିଦ୍ୟାଳୟରେ ବାବୁଙ୍କର ହୋସ ଧିରେଧିରେ ଆସିବା ଆରମ୍ଭ ହୋଇଯାଇଥିଲା । କିନ୍ତୁ ପାଟିରୁ କଥା ଆଉ ବାହାରିନଥିଲା କିମ୍ବା ସିଧାରେ ଠିଆ ମଧ୍ୟ ହୋଇପାରୁନଥିଲେ ରବିନ୍ଦ୍ରନାଥ । କୁହାଯାଉଛି ଯେ ପୂର୍ବରୁ ମଧ୍ୟ ଏଭଳି ନିଶାସକ୍ତ ଅବସ୍ଥାରେ ଧରାପଡ଼ି କାର୍ୟ୍ୟରୁ ନିଲମ୍ବିତ ମଧ୍ୟ ହୋଇଥିଲେ ରବିନ୍ଦ୍ରନାଥ । ନିଲମ୍ବନ ଉଠିବା ପରେ ଗତ ୭ ମାସ ହେବ ସେ କାର୍ୟ୍ୟରେ ଯୋଗଦେଇଛନ୍ତି ।
