ସଂଚାର ବ୍ୟୁରୋ: ଘରେ କେହି ନଥିବାର ସୁଯୋଗ ନେଇ ଛାତ ଦେଇ ଘର ଭିତରକୁ ପଶିଲେ। ହେଲେ ବାଧକ ସାଜିଲା କାଠ କବାଟ। କାଠ କବାଟକୁ ଜାଳି ଘର ଭିତରେ ପଶି କଲେ ଲୁଟ। ଏଭଳି ଘଟଣା ଘଟିଛି କପ୍ତିପଦା ଥାନା ନୂଆସାହି ଗ୍ରାମରେ।ଅଞ୍ଜନ ନାୟକ ନାମକ ବ୍ଯକ୍ତିଙ୍କ ଘରେ ପଶି ଲୁଟପାଟ କରିଛନ୍ତି ଦୁର୍ବୃତ୍ତ। ଅଂଜନ ପରିବାରକୁ ଛାଡିବାକୁ ଫୁଲବାଣୀ ଯାଇଥିଲେ। ଘରେ କେହି ନଥିବାରୁ ସୁଯୋଗ ନେଇ ଗତକାଲି ବିଳମ୍ବିତ ରାତିରେ ଘରକୁ ଫେରିବା ପରେ ଘରୁ ଲୁଟ ହୋଇଥିବା ଦେଖିବାକୁ ପାଇଥିଲେ। ଏ ନେଇ କପ୍ତିପଦା ପୋଲିସକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ସାଇଣ୍ଟିଫିକ ଟିମ ସହାୟତାରେ ଛାନବିନ କରୁଛି ପୋଲିସ। ଲୁଟେରାମାନେ ଘର ଭିତରକୁ ପଶିବା ପାଇଁ ଘର କବାଟକୁ ଜାଳି ଦେଇଥିବାରୁ ବିଭିନ୍ନ ଦିଗକୁ ନେଇ ଖୋଳତାଡ଼ କରୁଛି ପୋଲିସ।
