ପୁରୀ : ଦୀଘା ଜଗନ୍ନାଥ ମନ୍ଦିର ବିବାଦ ପ୍ରସଙ୍ଗରେ ଆଜି ବସିବ ବଡ଼ ବୈଠକ । ଶ୍ରୀମନ୍ଦିର କାର୍ଯ୍ୟାଳୟରେ ଶ୍ରୀମନ୍ଦିର ପ୍ରଶାସନ ସହ ମହାରଣା, ଦେଉଳକରଣ, ପାଟଯୋଶୀ ମହାପାତ୍ର, ତଢଉ କରଣ ଓ ତିନି ବାଡ଼ର ବାଡ଼ଗ୍ରାହୀଙ୍କ ଗୁରୁତ୍ବପୂର୍ଣ୍ଣ ଆଲୋଚନା ହେବ। ପ୍ରଚାରିତ ହେଉଥିବା ଦ୍ବନ୍ଦାତ୍ମକ ଖବର ନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ନିକଟରେ ମତାମତ ରଖିବେ ବିଭିନ୍ନ ନିଯୋଗର ସଦସ୍ୟ ।
ଗତକାଲି ଶ୍ରୀମନ୍ଦିର ପ୍ରଶାସନ ବିଭିନ୍ନ ନିଯୋଗକୁ ଚିଠି କରିବା ପରେ ଆଜି ବିଭିନ୍ନ ନିଯୋଗର ସଦସ୍ୟ ମାନେ ନିଜ ନିଜ ମତ ରଖିବେ l ଆଜି ଅପରାହ୍ଣ ୫ଟା ସୁଦ୍ଧା ଜଣାଇବାକୁ ଚିଠି କରିଥିଲା ଶ୍ରୀମନ୍ଦିର ପ୍ରଶାସନ । ନବକଳେବର ସମୟର ବଳକା ଦାରୁ ପ୍ରସଙ୍ଗରେ ମତାମତ ରଖିବେ। ନବକଳେବର ସମୟର ବଳକା ଦାରୁ ପ୍ରସଙ୍ଗରେ ପ୍ରଚାରିତ ଖବରକୁ ନେଇ ଚାଲିଛି ତନାଘନା। ଗତକାଲି ମଧ୍ୟ ଗୁରୁତ୍ବପୂର୍ଣ୍ଣ ବୈଠକ କରିଥିଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ।
