କଂଗ୍ରେସର ପୂର୍ବତନ ଅଧ୍ୟକ୍ଷା ତଥା ସଂସଦୀୟ ଦଳ ନେତ୍ରୀ ସୋନିଆ ଗାନ୍ଧୀଙ୍କ ପୁସ୍ତକ ଏବେ ବେଶ ଚର୍ଚ୍ଚାରେ ରହିଛି । ନିଜର ଆତ୍ମଜିବନୀକୁ ନେଇ ଲେଖିଥିବା ପୁସ୍ତକ ପ୍ରକାଶିତ ହେବାପରେ ଗଣମାଧ୍ୟମରେ ଖବରର ଶିରୋନାମା ପାଲଟିଛି । ସୋନିଆଙ୍କ ଆତ୍ମଜିବନୀ ପୁସ୍ତକ Belonging: A Journey of Loveରେ ଭାରତୀୟ ରାଜନୀତିରୁ ଆରମ୍ଭ କରି ପରିବାର ସମ୍ପର୍କରେ ରହିଛି ଅନେକ କଥା ।
ଯେଉଁଥିରେ ସୋନିଆ ଦେଶରେ କାହିଁକି କ୍ଷମତାରୁ କଂଗ୍ରେସ ଦୂରରେ ରହିଛି ଏବଂ ବାରମ୍ବାର ପରାଜୟ ପଛର କାରଣ ସମ୍ପର୍କରେ ପ୍ରକାଶ କରିଛନ୍ତି । ୫୪୪ ପୃଷ୍ଠାରେ ଏ ସମ୍ପର୍କରେ ବିସ୍ତୃତ ଭାବେ ଲେଖିଥିବାବେଳେ ଏହା ଏବେ ଚର୍ଚ୍ଚାର ବିଷୟ ପାଲଟିଛି ।
୨୦୧୪ ମସିହାରୁ କଂଗ୍ରେସ ଦେଶରେ କ୍ଷମତାରୁ ଦୂରରେ ରହିଛି ।
ତେବେ ଦୀର୍ଘଦିନ ଶାସନ କରିଆସୁଥିବା ଦଳକୁ କାହିଁକି ପ୍ରତ୍ୟାଖ୍ୟାନ କଲେ ଜନତା ? ଭୋଟର ବିଜେପିକୁ ବାଛିଲେ ଏ ସମ୍ପର୍କରେ ମଧ୍ୟ ସେ ପ୍ରକାଶ କରିଛନ୍ତି । ସୋନିଆ ଗାନ୍ଧୀ ଦର୍ଶାଇଛନ୍ତି କି, ୨୦୧୪ରେ କଂଗ୍ରେସର ପରାଜୟ ପଛର ବଡ଼ କାରଣ ହେଉଛି ସରକାର ବିରୋଧରେ ଥିଲା ଅନେକ ଦୁର୍ନୀତି ଅଭିଯୋଗ ।
ଏହାସହ ବିଜେପି ଯେଉଁଭଳି ପ୍ରଭାବଶାଳି ଭାବେ ପ୍ରଚାର ଏବଂ ମାର୍କେଟିଂ କରିଥିଲା ସେଥିରେ ପଛରେ ପଡ଼ିଥିଲା କଂଗ୍ରେସ । ଏହାସହ ଆନ୍ନାଙ୍କ ଆନ୍ଦୋଳନ ସରକାର ପତନର ବଡ଼ କାରଣ । ଆନ୍ନାଙ୍କ ଆନ୍ଦୋଳନରେ ନରେନ୍ଦ୍ର ମୋଦୀଙ୍କୁ ପ୍ରୋତ୍ସାହିତ କରାଯାଇଥିଲା । ଯାହାର ପ୍ରଚ୍ଛଦପଟରେ ଥିଲା ବିଜେପି ଏବଂ ଆରଏସଏସ । ଆନ୍ନାଙ୍କ ମୁଖ୍ୟ ଦାବି ଥିଲା ଲୋକପାଳ । ଯାହାକୁ ପୂରଣ କରିବାରେ କଂଗ୍ରେସ ସମ୍ପୂର୍ଣ୍ଣ ଭାବେ ବିଫଳ ହୋଇଥିଲା ।
ଏହାସହ ୨୦୦୪ ମସିହାରେ କଂଗ୍ରେସ ସରକାରକୁ ପ୍ରତ୍ୟାବର୍ତ୍ତନ ସମ୍ପର୍କରେ ମଧ୍ୟ ପ୍ରକାଶ କରିଛନ୍ତି । ଅଟଳ ବିହାରୀ ବାଜପେୟୀ ଏବଂ ଲାଲକୃଷ୍ଣ ଆଡ଼ଭାନୀଙ୍କ ଯୋଡ଼ିକୁ କିଭଳି ମାତ୍ ଦେଇଥିଲେ ସେ ସମ୍ପର୍କରେ ମଧ୍ୟ ପ୍ରକାଶ କରିଛନ୍ତି ।
ସେ କହିଛନ୍ତି ଯେ, ସେତେବେଳେ ରାଜନୀତିକୁ ଓହ୍ଲାଇବା ତାଙ୍କ ପାଇଁ ଏକ ‘ଅସ୍ତିତ୍ୱର ଲଢ଼ଇ’ ଥିଲା । ସେ ଦୁଇଟି ମୁଖ୍ୟ ସାବଧାନତା ଅବଲମ୍ବନ କରିଥିଲେ— ଗୋଟିଏ ହେଲା ଦଳ ଏବଂ ମେଣ୍ଟକୁ ଏକାଠି ରଖିବା ଏବଂ ଅନ୍ୟଟି ହେଲା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ କିଏ ହେବ ତାହା ସ୍ପଷ୍ଟ ନକରିବା। ନିର୍ବାଚନରେ ଜିତିବା ପରେ ସେ ମନମୋହନ ସିଂହଙ୍କ ନାଁ ପ୍ରଧାନମନ୍ତ୍ରୀ ପଦ ପାଇଁ ଆଗକୁ ଆଣିଥିଲେ, ଯିଏକି ଜଣେ ସଚ୍ଚୋଟ ନେତା ଥିଲେ ଜନତାଙ୍କ ନଜରରେ ଭାବମୂର୍ତ୍ତି ଭଲ ରହିଥିଲା ।
