ଭୁବନେଶ୍ଵର: ପୂର୍ବତନ କେନ୍ଦ୍ରମନ୍ତ୍ରୀ ତଥା ସମ୍ବଲପୁର ସାଂସଦ ଧର୍ମେନ୍ଦ୍ର ପ୍ରଧାନ ସାତ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି । ନଭେମ୍ବର ୧୦ (ଆଜିଠୁ) ୧୬ ତାରିଖ ପର୍ଯ୍ୟନ୍ତ ରହିବ ତାଙ୍କର ଗସ୍ତ କାର୍ଯ୍ୟକ୍ରମ । ଏହି ସମୟରେ ସମ୍ବଲପୁର, ତାଳଚେର, ଅନୁଗୁଳ, ଢେଙ୍କାନାଳ ଓ ଆଠଗଡ଼ରେ ‘ଲୋକତନ୍ତ୍ର ବଞ୍ଚାଅ-ଅରାଜକତା ହଟାଅ’ ପଦଯାତ୍ରାରେ ସାମିଲ ହେବେ ଧର୍ମେନ୍ଦ୍ର ପ୍ରଧାନ । ଏହା ସହ ବିଭିନ୍ନ ସାମାଜିକ ଓ ସାଙ୍ଗଠନିକ କାର୍ଯ୍ୟକ୍ରମରେ ମଧ୍ୟ ଯୋଗଦେବେ ।
ନଭେମ୍ବର ୧୦ ତାରିଖ (ଆଜି) ଝାରସୁଗୁଡ଼ାରେ ପହଞ୍ଚିବା ପରେ ସମ୍ବଲପୁର ଯିବେ ଧର୍ମେନ୍ଦ୍ର ପ୍ରଧାନ । ସକାଳ ୧୧ଟାରୁ ଦିନ ୧ଟା ପର୍ଯ୍ୟନ୍ତ ଲକ୍ଷ୍ମୀ ଟକିଜ୍ଠାରେ ଆୟୋଜିତ ପଦଯାତ୍ରାରେ ସାମିଲ୍ ହେବେ । ଏହାପରେ ତାଳଚେର ଗସ୍ତ କରି ସନ୍ଧ୍ୟାରେ ହିଙ୍ଗୁଳା ମନ୍ଦିର ଟ୍ରଷ୍ଟ ବୈଠକରେ ଯୋଗଦେବେ ।
୧୧ ତାରିଖରେ ତାଳଚେରର ପ୍ରଜାମଣ୍ଡଳ ଭବନର ନୂତନ କୋଠା ଉଦ୍ଘାଟନ କରିବେ । ଏହାପରେ ଅନୁଗୁଳ ଜିଲ୍ଲା ଗୁରୁଧି ଯାଇ ସୂର୍ଯ୍ୟବନର ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ଯୋଗଦେବେ । ଅପରାହ୍ଣରେ ଅନୁଗୋଳ ସହରରେ ହେବାକୁ ଥିବା ପଦଯାତ୍ରାରେ ସାମିଲ ହେବେ ।
