ସଂଚାର ବ୍ୟୁରୋ: ପୁଣି ସାମନାକୁ ଆସିଲା ଲଜ୍ଜ ଖବର । ରାଉରକେଲା ପ୍ଲାଣ୍ଟ ସାଇଟ ଥାନା ଅଂଚଳରେ ଦୁଇ ଜଣ ନାବାଳିକାଙ୍କୁ ଗଣଦୁଷ୍କର୍ମ ଅଭିଯୋଗ। ପ୍ଲାଣ୍ଟସାଇଟ ଥାନାରେ ଏ ନେଇ ହୋଇଛି ଅଭିଯୋଗ। ଗତକାଲି ରାତିରେ ଦୁଇ ନାବାଳିକାଙ୍କୁ ଏକ ଅଟୋରେ ଜୋରଜବରଦସ୍ତ ନେଇ ଗଣଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି। ଥାନାରେ ଅଭିଯୋଗ ପରେ ପୋଲିସ ୩ ଅଭିଯୁକ୍ତଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି।ଗତ ରାତିରେ ଦୁଇ ନାବାଳିକା କିଛି ସାମଗ୍ରୀ କିଣିବାକୁ ରାଉରକେଲା ବଜାରକୁ ଆସିଥିଲେ। ବଜାରରୁ ଘରକୁ ଫେରୁଥିବାବେଳେ କିଛି ଯୁବକ ଘରେ ଛାଡିଦେବାକୁ କହି ଅଟୋରେ ଜଙ୍ଗଲକୁ ନେଇ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି। ଅଭିଯୋଗ ପରେ ପ୍ଲାଣ୍ଟସାଇଟ ଥାନା ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ୭ ଜଣ ଅଭିଯୁକ୍ତ ଘଟଣାସ୍ଥଳରେ ଉପସ୍ଥିତ ଥିବାବେଳେ ତିନି ଜଣ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି। ତିନି ଅଭିଯୁକ୍ତଙ୍କୁ ପ୍ଲାଣ୍ଟ ସାଇଟ ଥାନାରେ ଅଟକ ରଖି ପଚରାଉଚରା କରୁଛି।
