ରୋହିତ ଶର୍ମା ଏବଂ ବିରାଟ କୋହଲିଙ୍କ ଫ୍ୟାନ ଫଲୋଇଙ୍ଗ କଥା ତ ସମସ୍ତେ ଜାଣିଛନ୍ତି। କିନ୍ତୁ ଏବେ ବଡ଼ ଚିନ୍ତାର ବିଷୟ ହେଉଛି। ଭାରତୀୟ କ୍ରିକେଟର ହିଟମ୍ୟାନ୍ ରୋହିତ୨୦୨୭ ମସିହାରେ ହେବାକୁ ଥିବା ଦିନିକିଆ ବିଶ୍ୱକପରେ ରୋହିତ ଖେଳିବେ କି ନାହିଁ, ତାକୁ ନେଇ ଉଠିଛି ବଡ଼ ପ୍ରଶ୍ନ। ନ୍ୟୁଜିଲାଣ୍ଡ ବିପକ୍ଷ ୫ ମ୍ୟାଚ୍ ବିଶିଷ୍ଟ ଦିନିକିଆ ସିରିଜରେ ତାଙ୍କ ନୈରାଶ୍ୟଜନକ ପ୍ରଦର୍ଶନ ଯୋଗୁ ଏବେ ସବୁଠି କେବଳ ଗୋଟିଏ ଚର୍ଚ୍ଚା। ରୋହିତଙ୍କୁ ଆହୁରି ଅଭ୍ୟାସ କରିବାକୁ ପଡ଼ିବ। ସବୁଠୁ ଅଧିକ ଅଭିଜ୍ଞତା ରୋ-କୋଙ୍କର ଯାହାକି ସମସ୍ତେ ଜାଣିଛନ୍ତି।
- ନ୍ୟୁଜିଲାଣ୍ଡ ସିରିଜରେ ମାତ୍ର ୩୦ ରନ
ନ୍ୟୁଜିଲାଣ୍ଡ ବିପକ୍ଷ ସିରିଜରେ ରୋହିତ ଶର୍ମାଙ୍କ ବ୍ୟାଟରୁ ଆଶାନୁରୂପ ରନ୍ ଦେଖିବାକୁ ମିଳିନଥିଲା। ୪ଟି ଇନିଂସରେ ସେ ମାତ୍ର ୩୦ ରନ୍ କରିଥିବା ବେଳେ ତାଙ୍କ ବ୍ୟାଟିଂ ଆଭରେଜ୍ ରହିଥିଲା ମାତ୍ର ୭.୫୦। ସିରିଜର ପ୍ରଥମ ମ୍ୟାଚରେ ରୋହିତ ଖାତା ଖୋଲିପାରିନଥିଲେ। ଦ୍ୱିତୀୟ ମ୍ୟାଚରେ ୨୩ ରନ୍ କରିଥିବା ବେଳେ ଚତୁର୍ଥ ମ୍ୟାଚରେ ପୁଣି ଶୂନରେ ଆଉଟ୍ ହୋଇଥିଲେ। ଶେଷ ମ୍ୟାଚରେ ମଧ୍ୟ ତାଙ୍କ ବ୍ୟାଟରୁ ମାତ୍ର ୭ ରନ୍ ଆସିଥିଲା। ଏହି ପ୍ରଦର୍ଶନ ତାଙ୍କ ଫର୍ମକୁ ନେଇ ଅନେକ ପ୍ରଶ୍ନ ଉଠାଇଛି।
- ୪୦ ବର୍ଷ ବୟସରେ ଖେଳିବେ ବିଶ୍ୱକପ୍!
୨୦୨୭ ଦିନିକିଆ ବିଶ୍ୱକପ୍ ଖେଳାଯିବ ଦକ୍ଷିଣ ଆଫ୍ରିକା, ଜିମ୍ବାୱେ ଓ ନାମିବିଆରେ। ଏହି ଟୁର୍ଣ୍ଣାମେଣ୍ଟ ବେଳକୁ ରୋହିତ ଶର୍ମାଙ୍କ ବୟସ ୪୦ ବର୍ଷ ହୋଇଥିବ। ଏଭଳି ସ୍ଥିତିରେ ତାଙ୍କ ବୟସ ଏବଂ ବର୍ତ୍ତମାନର ଫର୍ମକୁ ନେଇ ଚୟନକର୍ତ୍ତାଙ୍କ ନିଷ୍ପତ୍ତି ଉପରେ ନଜର ରହିବ। ବିଶେଷକରି ଦକ୍ଷିଣ ଆଫ୍ରିକାର ଦ୍ରୁତ ଓ ବାଉନ୍ସ ଭରା ପିଚରେ ରୋହିତ କେତେ ଭଲ ପ୍ରଦର୍ଶନ କରିପାରିବେ, ତାହା ଏବେ ବଡ଼ ପ୍ରଶ୍ନ। ତେବେ ରୋହିତଙ୍କ ପକ୍ଷରେ ମଧ୍ୟ ଅନେକ ମଜବୁତ ଯୁକ୍ତି ରହିଛି। ୨୦୨୬ରେ ତାଙ୍କ ବ୍ୟାଟରୁ ଭଲ ଇନିଂସ୍ ଦେଖିବାକୁ ମିଳିଛି। ଇଂଲଣ୍ଡ ବିପକ୍ଷରେ ୧୩୮ ରନର ଶତକୀୟ ଇନିଂସ୍ ଖେଳିଥିବା ବେଳେ ୱେଷ୍ଟଇଣ୍ଡିଜ୍ ବିପକ୍ଷରେ ମଧ୍ୟ ୧୦୧ ଓ ୯୨ ରନ୍ କରିଥିଲେ। ତେଣୁ କେବଳ ନ୍ୟୁଜିଲାଣ୍ଡ ସିରିଜର ଖରାପ ପ୍ରଦର୍ଶନ ଆଧାରରେ ତାଙ୍କ ବିଶ୍ୱକପ୍ ଭବିଷ୍ୟତ ଉପରେ ଚୂଡ଼ାନ୍ତ ନିଷ୍ପତ୍ତି ନେବା ଠିକ୍ ହେବ ନାହିଁ। କିନ୍ତୁ ଆଗାମୀ ସିରିଜଗୁଡ଼ିକରେ ତାଙ୍କୁ ନିଜ ଫର୍ମ ପ୍ରମାଣିତ କରିବାକୁ ପଡ଼ିବ।
- ଶ୍ରୀଲଙ୍କା ସିରିଜରେ ରୋହିତଙ୍କ ପାଇଁ ବଡ଼ ସୁଯୋଗ
ନ୍ୟୁଜିଲାଣ୍ଡ ଗସ୍ତ ପରେ ରୋହିତଙ୍କ ପାଇଁ ଆଗାମୀ ଘରୋଇ ଦିନିକିଆ ସିରିଜ୍ ଗୁରୁତ୍ୱପୂର୍ଣ୍ଣ ହେବ। ଡିସେମ୍ବର ୧୩ରୁ ଶ୍ରୀଲଙ୍କା ବିପକ୍ଷରେ ଭାରତର ଦିନିକିଆ ସିରିଜ୍ ଆରମ୍ଭ ହେବାର କାର୍ଯ୍ୟକ୍ରମ ରହିଛି। ଏହି ସିରିଜରେ ରୋହିତଙ୍କଠାରୁ ବଡ଼ ଇନିଂସ୍ ଆଶା କରାଯିବ। ତେବେ କେବଳ ଘରୋଇ ପିଚରେ ରନ୍ କରିବା ଯଥେଷ୍ଟ ହେବ ନାହିଁ। ବିଦେଶୀ ପରିବେଶରେ ଦ୍ରୁତ ବୋଲରଙ୍କ ସାମ୍ନା କରିବାରେ ମଧ୍ୟ ତାଙ୍କୁ ନିଜ ଦକ୍ଷତା ପ୍ରମାଣିତ କରିବାକୁ ପଡ଼ିବ।



