ସଂଚାର ବ୍ୟୁରୋ: ପ୍ରବାସୀ ଭାରତୀୟ ଦିବସ ପାଇଁ ପୁରୀରେ ବ୍ଯାପକ ବ୍ଯବସ୍ଥା । ୮ ତାରିଖରୁ ୩ ଦିନ ଧରି ଭୁବନେଶ୍ବରରେ ପ୍ରବାସୀ ଭାରତୀୟ ଦିବସ ପାଳନ ହେବ । ତେବେ ପର୍ଯ୍ଯଟକଙ୍କ ପ୍ରମୁଖ ଆକର୍ଷଣ ରହିବ ପୁରୀ । ଶ୍ରୀମନ୍ଦିର ସମେତ କୋଣାର୍କ, ଚନ୍ଦ୍ରଭାଗା, ଚିଲିକା ତଥା ରଘୁରାଜପୁର ଯିବେ ପ୍ରବାସୀ । ସୁରକ୍ଷା ଦୃଷ୍ଟିରୁ ପୁରୀ ପୋଲିସ ପକ୍ଷରୁ ଏ ନେଇ ସ୍ବତନ୍ତ୍ର ପ୍ରସ୍ତୁତି କରାଯାଇଛି । ୪ ଅତିରିକ୍ତ ଏସପିଙ୍କ ସମେତ ୧୫ ଜଣ ଡିଏସପି, ୪୮ଜଣ ଇନ୍ସପେକ୍ଟର, ୧୬୩ ସବ୍ ଇନସ୍ପେକ୍ଟର ଓ ଅତିରିକ୍ତ ସବ୍ ଇନ୍ସପେକ୍ଟର ମୁତୟନ ରହିବେ । ଏହାଛଡ଼ା ତତ ୨୩ ପ୍ଲାଟୁନ ଫୋର୍ସ ମଧ୍ୟ ସୁରକ୍ଷା ଦାୟିତ୍ୱରେ ରହିବେ । ପୁରୀ ଦିଗବାରେଣୀ ଛକ ଠାରୁ ଲାଇଟ୍ ହାଉସ ଛକ ପର୍ଯ୍ଯନ୍ତ ନୋ ଭେହିକିଲ୍ ଜୋନ୍ କରାଯିବ । ଯାତ୍ରୀକା ଓ ନୀଳାଚଳ ଆଶୋକ ଠାରେ ଗାଡି ପାର୍କିଂ ନେଇ ବ୍ୟବସ୍ଥା ଗ୍ରହଣ କରାଯିବ । ସେହିପରି ବେଳାଭୂମିରେ ହେବାକୁ ଥିବା ସାଂସ୍କୃତିକ ମହୋତ୍ସଭ ସହ ଫୁଡ ଫେଷ୍ଟିଭାଲ, କାଇଟ ସୋ ଓ ପଲ୍ଲୀଶ୍ରୀ ମେଳାରେ ବ୍ୟାପକ ଫୋର୍ସ ମୃତୟନ ହେବେ। ଏନେଇ ଆଜି ରିଜର୍ଭ ପୋଲିସ ପଡିଆ ଠାରେ ପୁରୀ ଏସପି ସମୀକ୍ଷା କରିଛନ୍ତି ।
