ସଂଚାର ବ୍ୟୁରୋ: କେନ୍ଦ୍ର ସରକାରଙ୍କ ପକ୍ଷରୁ ଘୋଷଣା ହେଲା ନୂଆ ପେନସନ ଯୋଜନା। ୟୁନିଫାଏଡ୍ ପେନସନ ସ୍କିମ UPSକୁ ମଂଜୁରୀ ଦେଇଛନ୍ତି କେନ୍ଦ୍ର ସରକାର। ଯଦି ଜଣେ ୧୦ ବର୍ଷ ଚାକିରୀ କରନ୍ତି ତେବେ ତାଙ୍କୁ ସର୍ବନିମ୍ନ ୧୦ ହଜାର ଟଙ୍କା ପେନସନ ମିଳିବ।ଏହି ଯୋଜନା ଅନ୍ତର୍ଗତ କୌଣସି କର୍ମଚାରୀ ୨୫ ବର୍ଷ ପର୍ଯ୍ୟନ୍ତ ଚାକିରୀ କରି ଅବସର ନେଇଥାନ୍ତି ତାହେଲେ, ସେ କରିଥିବା ଚାକିରୀର ଅନ୍ତିମ ୧୨ ମାସର ମୂଳ ଦରମାର ୫୦ ପ୍ରତିଶତ ପେନସନ ଭାବେ ପାଇବେ। ଯଦି କୌଣସି ପେନସନଭୋଗୀଙ୍କ ମୃତ୍ଯୁ ହୋଇଯାଏ ତେବେ ତାଙ୍କ ପରିବାରକୁ କର୍ମଚାରୀଙ୍କ ମୃତ୍ଯୁ ପର୍ଯ୍ୟନ୍ତ ମିଳିବାକୁ ଥିବା ପେନସନର ୬୦ ପ୍ରତିଶତ ଫେମିଲି ପେନସନ ମିଳିବ। କ୍ଯାବିନେଟ ବୈଠକରେ ଏହି ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର। କେନ୍ଦ୍ରମନ୍ତ୍ରୀ ଅଶ୍ଵିନୀ ବୈଷ୍ଣବ ଏହି ଘୋଷଣା କରିଛନ୍ତି। କେନ୍ଦ୍ର ସରକାରୀ କର୍ମଚାରୀଙ୍କ ଲାଗି ୟୁନିଫାଏଡ ପେନସନ ସ୍କିମକୁ ମଂଜୁରୀ ପ୍ରଦାନ କରିଛନ୍ତି କେନ୍ଦ୍ର ସରକାର। ଆସନ୍ତା ଏପ୍ରିଲ ୧ ତାରିଖ ୨୦୨୫ରୁ ଯୋଜନା ଲାଗୁ ହେବ ଏହି ଯୋଜନା। ଏଥିରେ କେନ୍ଦ୍ର ସରକାରଙ୍କ ପ୍ରାୟ୨୩ ଲକ୍ଷ କର୍ମଚାରୀ ଉପକୃତ ହେବେ। କର୍ମଚାରୀଙ୍କ ଲାଗି ଥିବା ନ୍ଯାସନାଲ ପେନସନ ସ୍କିମ NPS କିମ୍ବା ୟୁପିଏସ ମଧ୍ୟରୁ କୌଣସି ଗୋଟିଏକୁ ବାଛିବାକୁ ପଡ଼ିବ। ୟୁନିଫାଏଡ ପେନସନ ସ୍କିମରେ ମହଙ୍ଗା ଭତ୍ତାର ଲାଭ ବି ମିଳିବ।
